शीर्षक पढ्दा अचम्म लाग्छ होला । गँगटा र अमेरिकी राष्ट्रपतिबीच के सम्बन्ध छ भनेर ? तर अमेरिकी समाचार एजेन्सी सिएनएनले भने उत्तर कोरियाका गँगटाहरुका कारण अमेरिकी राष्ट्रपति डोनाल्ड ट्रम्पको मनभित्र ठूलो भूकम्प गएको जनाएको छ।

समाचार एजेन्सीले एउटा बिस्तृत आलेख प्रकाशित गर्दै तमाम प्रतिबन्धका वावजूद पनि चीनले उत्तर कोरियामाथि प्रतिबन्ध नलगाएको ट्रम्पको आरोपको चर्चा गरेको छ । उत्तर कोरियाको आणविक कार्यक्रमलाई निस्तेज पार्न चीनले पर्याप्त कसरत नगरेको ट्रम्पको आरोप छ । ट्रम्पको आरोपलाई जोड दिएका छन् उत्तर कोरियाका गँगटाहरुले ।

कसरी त ?

सिएनएनका अनुसार, उत्तर कोरिया चीनको एउटा ठूलो व्यापारिक साझेदार हो । उत्तर कोरिया र चीनबीच कैयन् सामानहरुको आदान प्रदान हुने गर्दछ । पछिल्लो प्रतिबन्धका आधारमा चीनले उत्तर कोरियासँगको व्यापार बन्द गर्नुपर्ने हो तर अहिले पनि उत्तर र चीनबीचको व्यापार चलिरहेको रिपोर्ट सार्वजनिक भएपछि ट्रम्पको पारा तातेको हो ।

सिएनएनको टोलीले उत्तर कोरिया र चीनको सीमा क्षेत्रमा भ्रमण गरेर उत्तर कोरियाका गँगटाहरु चीनमा आयात गरिएको र यसको व्यापारको मात्रा निकै बढी भएको रिपोर्ट प्रकाशन गरेको हो । अमेरिकाले भने समुन्द्री खाद्यपदार्थ कोरियाबाट आयात गर्ने कुरामा प्रतिबन्ध लगाएको छ ।

उत्तर कोरियाले वार्षिकरुपमा अनुमानित ३ सय मिलियन डलर बराबरको समुन्द्री खाद्यपदार्थ निर्यात गर्न गर्दछ । यसको सबैभन्दा ठूलो हिस्सा चीनमा जाने गर्दछ । ट्रम्प प्रशासनका अनुसार, यसमा प्रतिबन्ध नलगाउने हो भने यसले उत्तर कोरियालाई उसको आणविक हतियार प्रबद्र्धन गर्न आर्थिक श्रोत जुटाएको छ ।

गत अगस्तमा प्रतिबन्ध लागेपछि हुन्चुन जस्ता क्षेत्रमा ठूलो मात्रामा समुन्द्री खाद्यपदार्थको प्रशोधन रोकिएको थियो । कैयन् स्थानमा स्थानीय व्यापारीहरुले यसको बिरोध समेत गरे । तर यति हुँदा हुँदै पनि चीनमा उत्तर कोरियाको समुन्द्री खाद्यान्न पाउन मुश्किल नभएको सिएनएनले जनाएको छ ।

हुन्चुन प्रान्तमा पुगेको सिएनएनको टोलीले यसरी गँगटा बेच्ने कैयन् पसल फेला पारेको जनाएको छ । यी सबै पसलमा तस्करीको बाटोबाट गँगटा र अन्य समुन्द्री खाद्यान्न ल्याइएको थियो । प्रतिकिलो १३ सय जति नेपाली रुपैयाँमा यी गँगटाहरु बेचिएको सिएनएनको रिपोर्टमा उल्लेख छ । अमेरिकी प्रशासनले चीनलाई यसरी कुनै पनि बहानामा उत्तर कोरियासँग व्यापार नगर्न फेरी चेतावनी दिएको छ ।

अमेरिकी राष्ट्रपतिले चीनको बारेमा गर्दै आएको टिप्पणीलाई समेत यो व्यापारबाट थप नैतिक बल मिलेको सिनएनएको विश्ल्ेषण छ । यो रिपोर्ट सार्वजनिक भइसकेपछि चीनले प्रतिबन्धको निर्णयको पालना गर्दै थप कडाई गर्नुपर्ने व्हाइट हाउसले जनाएको छ ।

शुक्रबार बिहान तकभर क्षेत्रमा सुरक्षाकर्मी र गोजमुमोका अध्यक्ष विमल गुरुङ पक्षका आन्दोलनकारीबीच झडप हुँदा एक जना सुरक्षाकर्मीसहित २ जनाको मृत्यु भएको भारतीय सञ्चारमाध्यमहरुले जनाएका हुुन् ।

झडपमा अन्य थुप्रै घाइते भएको समेत उल्लेख गरिएको छ ।

मृत्यु हुनेमा प्रहरी सहायक निरीक्षक अभिताभ मल्लिक रहेका छन् भने मृत्यु हुने अर्का व्यक्ति मोर्चाका कार्यकर्ता भएको बताइएको छ । ती मृतकको सनाखत हुन सकेको छैन ।

त्यस क्षेत्रमा मार्चाका कार्यकर्ताले हतियार र बम लुकाएको सूचना आएपछि छापा मार्दा झडप भएको प्रहरीले दाबी गरेको इन्डिया टुडेको अनलाइन संस्करणमा उल्लेख छ ।

यसअघि बिहीबार मोर्चाका अध्यक्ष गुरुङले अक्टोबर ३० तारिखमा आफू जनता माँझ आउने भन्दै अडियो सूचना सार्वजनिक गरेका थिए ।

२०७४ असोज २७ मा प्रकाशित ।

रुसका राष्ट्रपति भ्लादिमिर पुटिनलाई जन्मदिनका अवसरमा कुकुर उपहार प्राप्त भएको छ । पुटिनलाई तुर्कमेनिस्तानका राष्ट्रपति गुर्बांगुली बेर्दिमुखमेदोभले कुकुर उपहार दिएका हुन् ।

पुटिनसँगको भेटमा उनले कुकुर उपहार दिएका हुन् । कुकुर बोक्दै पुटिनले तुर्कमेनिस्तानका समकक्षीलाई धन्यवाद दिएका थिए । ६५ वर्षीय पुटिन कुकुरप्रेमी पनि हुन् ।

उनले हालै आफ्नो जन्मदिन मनाएका थिए । पुटिनलाई यसअघि जापानी अधिकारीले पनि कुकुर उपहार दिएका थिए । (एजेन्सी)

अमेरिकी राज्य क्यालिफोर्नियाको जङ्गलमा लागेको डढेलो बस्तीमा पसेपछि ठूलो जनधनको क्षति भएको छ र त्यसमा परी मृत्यु हुनेको सङ्ख्या पनि बढेर २३ पुगेको छ । जङ्गलमा लागेको डढेलो पछि सहर बस्तीमा छिरेको थियो । त्यसमा परी अहिलेसम्ममा ठूलो क्षति पुगेको अधिकारीहरुले जनाएका छन् ।

गत आइतबार रातिदेखि लागेको भिषण डढेलोमा परी ज्यान जाने व्यक्तिको सङ्ख्या २३ पुगेको र अरु कैयौँ व्यक्ति हराइरहेका बताइएको छ । तर डढेलो अझै पनि नियन्त्रणमा आउन नसकेको अधिकारीहरुले जानकारी दिएका छन् ।

क्यालिफोर्निया राज्यको ५० हजार हेक्टर भन्दा बढी क्षेत्रफलमा डढेलो सल्किएको छ । अहिले पनि यसको पूर्ण रुपमा नियन्त्रण हुन सकिरहेको छैन । करिब २०० अग्निनियन्त्रकले आगो निभाउने काम गरिरहेका बताइएको छ ।

उक्त राज्यको सोनोमा काउन्टी सबैभन्दा बढी प्रभावित भएको छ । उक्त काउन्टीमामात्र १७ जनाको ज्यान गएको छ । त्यसैगरी सो जिल्लाबाट धेरै व्यक्ति हराएका छन् । डढेलोका कारण प्रभावित भएका कम्तीमा पनि २५ हजार जनालाई त्यहाँबाट अन्यत्रै सारिएको बताइएको छ । उनीहरुलाई सुरक्षित स्थानमा सारिएको उक्त राज्य सरकारले जनाएको छ ।

हजारौँ स्थानीय नागरिकले घर छोडेर भाग्न बाध्य भएका छन् । कतिपय आफै भाग्न सकेका थिए भने अरु कैयौँलाई प्रभावित क्षेत्रबाट उद्वार गरेर अन्यत्रै राखिएको छ ।

बिहीबार प्राप्त समाचारअनुसार करिब पाँच हजार जनालाई शिवीर बनाएर राखिएको छ । सो शिवीरमा बस्ने नागरिकको घरबास जलेको र अन्य भौतिक सम्पत्ति पनि क्षति भएको छ ।

पछिल्लो जानाकारी अनुसार अहिलेसम्ममा तीन हजार ५०० भन्दा बढी घर खरानी भएका छन् । अरु पनि स्थानीय नागरिकका आधारभूत संरचनाहरु डढेर खरानी भएका छन् । अहिले पनि डढेलो पूर्ण रुपमा नियन्त्रणमा आउन नसकेकोले करिब २०० वटा अग्निनियन्त्रक र सेनाले डढेलो नियन्त्रणको प्रयास जारी राखेका छन् ।

झुमाकादाइरोभ चढेको कार र विपरित दिशाबाट आएको ट्रक बिशकेक–कारा–बाल्टा राजमार्ग क्षेत्रको सादोभ्य गाउँमा एक आपसमा ठक्कर खाँदा उनको शनिबार बिहान ७ः३० बजे मृत्युभएको किर्गिजिस्तानको राष्ट्रिय समाचार संस्थाले जनाएको छ ।

घटनामा उनको सहयोगी र कार ड्राइभरसमेतको मृत्यु भएको थियो । घटनामा घाइते भएका ट्रक ड्राइभरलाई उपचारका लागि अस्पताल भर्ना गरिएको छ ।

यसै बर्षको अगस्तमा उपप्रधानमन्त्री बन्नुभएका ३८ बर्षीय झुमाकादाइरोभ त्यसपहिले राष्ट्रिय सुरक्षा परिषद्को प्रमुखका रुपमा काम गरेका थिए ।

तस्वीर: गुगल..  २०७४ असोज २२ मा प्रकाशित ।

दैनिक धेरै घण्टा काम गरेका कारण जापानको सरकारी प्रशारण संस्था एनएचकेकी एक महिला पत्रकारको मृत्यु भएको छ। एक महिनामा १५९ घण्टासम्म ‘ओभर टाइम’ गरेकी पत्रकार मिवा साडोको हृदयघातका कारण निधन भएको संस्थाले जानकारी दिएको समाचारमाध्यम सिएनएनले जनाएको छ।

सिएनएनका अनुसार मिवाको निधन सन् २०१३ जुलाईमै भए पनि यसबारे संस्थाले हालमात्र जानकारी दिएको हो।

राजनीतिक रिपोर्टिङ गर्ने ३१ वर्षीय मिवाले मृत्यु हुनुभन्दाको अघिल्लो महिना १५९ घण्टा ‘ओभर टाइम’ गरेकी थिइन्। एनएचके मुख्यालय टोकियोमा काम गर्ने उनले महिनामा दुई दिनमात्र विदा लिएकी थिइन्।

उक्त महिना मिवा स्थानीय चुनावको रिपोर्टिङमा व्यस्त थिइन्। चुनाव नतिजा आएको तीन दिनपछि ओछ्यानमा हातमा मोबाइल च्यापिरहेको अवस्थामा उनको निधन भएको थियो। अधिक काम भएपछि हृदयघातका कारण उनको मृत्यु भएको श्रम विभागले गरेको परीक्षणमा देखिएको थियो।

जापानमा साताको छ दिन दैनिक १३ घण्टाका दरले काम गर्नुपर्ने नियम छ। यसबाहेक ओभरटाइम कार्यभारले धेरै कर्मचारीको स्वास्थ्यमा नकारात्मक असर परिरहेको छ।

एक सरकारी अध्ययनले जापानमा प्रत्येक ५ कर्मचारीमा एक जनाको अधिक काम बोझकै कारण मृत्यु हुने सम्भावना देखाएको छ।

सन् २०१५ अप्रिलमा पनि देन्त्सु कम्पनीमा काम गर्ने मात्सुरी ताकाहाशीले आत्महत्या गरेकी थिइन् जसको कारण ‘अधिक काम’ भएको श्रम विभागको रिपोर्टमा उल्लेख छ।

यो घटनापछि जापानमा धेरै घण्टा काम गर्ने विषयमा निकै बहस भयो। सरकारले ओभरटाइमको सीमा प्रतिमहिना १०० घण्टा राख्नुपर्ने प्रस्ताव राखेको छ। तर, अझै पनि धेरै कम्पनीहरूले यसबारे कुनै चासो दिएका छैनन्।

एनएचकेले भने काम बोझका कारण आफ्नो रिपोर्टरको मृत्यु हुनु निकै गम्भीर भएको भन्दै रिपोर्टरको कार्य मापदण्ड सुधार्न अनुरोध गरेको बताएको छ। यसमा मिवाको परिवारले पनि साथ दिइरहेको सिएनएनले जनाएको छ।

२०७४ असोज २० मा प्रकाशित ।

अमेरिकाको लास भेगस शहरस्थित एउटा कसिनो रिजोर्ट नजिकै भीषण गोली चलेको बताइएको छ।प्रत्यक्षदर्शीहरुका अनुसार म्यान्डले बे कसिनोको माथिल्लो तल्लाबाट गोली हानिएको थियो।

सांगीतिक कार्यक्रममा सहभागी भएका मानिसहरु गोली चल्न थालेपछि भागिरहेको दृश्य भिडिओ फूटेजमा देखिन्छ। गोली लागेका मानिसहरुलाई एउटा स्थानीय अस्पताल पुर्‍याइंदैछ।

हताहतीबारे आधिकारिक विवरण प्राप्त भएको छैन। यद्यपि कतिपय रिपोर्टहरुमा कम्तीमा दुईजनाको ज्यान गएको र २४ जना घाइते भएको जनाइएको छ। उनीहरुमध्ये १२ जनाको अवस्था गम्भीर रहेको बताइएको छ।

प्रत्यक्षदर्शीका अनुसार रातिको साढे १० बजे गोली चल्न थालेको थियो र सयभन्दा बढी राउण्ड गोली चलेको आवाज सुनिएको थियो।मानिसहरु होटल, रेष्टुराँ र स्थानीय विमानस्थलमा शरण लिइरहेका छन्। -बीबीसीबाट

एकजना भोजपुरी अभिनेत्रीलाई बलात्कार गरेको अभियोग लागेका अभिनेता मनोज आर पाण्डेय नेपाल भाग्न लाग्दा भारतको मुम्बई प्रहरीले पक्राउ गरेको छ ।नेपाल भाग्नका लागि एकजना युवतीसँग ५ लाख मागेको समाचारमा जनाइएको छ ।

भारतीय पत्रिका दैनिक भाष्करका अनुसार यो विषयको जानकारी मनोजकी पूर्वप्रेमिकाले थाहा पाएपछि रकम दिन गएकी थिइन् तर प्रहरी उनीभन्दा छिटो पुगेको थियो ।

प्रहरी देखेर भाग्न लागेका मनोजलाई लखेटेर पक्राउ गरिएको समाचारमा जनाइएको छ ।मनोजलाई पक्राउ गरिएपछि पीडित अभिनेत्रीले प्रहरीले पनि सुस्त गतिमा काम गरेको बताइन् ।

उनले मनोज भागेको भए त्यसको जिम्मेवारी प्रहरीले लिनुपर्ने बताएकी थिइन् । ५ लाख मागेपनि अभिनेता मनोजले ५० हजार मात्र पाउने थिए । सोही रकम बोकेर उनी नेपाल आउन लागेका थिए ।

भोजपुरी फिल्मकी एउटी गायिका तथा अभिनेत्रीसँग उसको ५ वर्षसम्मको लिभिङ टुगेदर थियो । उनीहरू सम्बन्धमा थिए । विवाहका लागि दबाब परेपछि उसले धोका दिएको थियो । उसले वर्षा नामकी केटीसँग विवाह गरेको भन्दै कुरा पनि गराएको समाचारमा उल्लेख छ ।

आजभोली उत्तर कोरिया र अमेरिका बिचको विवाद निकै चर्चाको विषय बनिरहेको छ । अमेरिकाले उत्तर कोरियाली जनतामाथी गरेको अत्याचारलाई लिएर बनाईएको पेंटिंग यति बेला पुन: चर्चा पाउन थालेको छ ।

सन् २००५ मा यी पेंटिंगहरु तयार गरिएको थियो । यिनै पेंटिंगले त्यतिबेलाको नरसंघारमा भएको अत्याचारलाई झल्काउछ । यी हस्त निर्मित चित्रहरुमा कोरियन युद्धका बेला अमेरिकी सैनिकले उत्तर कोरियाली जनतालाई गरेको अत्याचार देखाइएको छ ।

हेर्नुहोस अत्याचारलाई झल्काउने त्यस्ता केहि तस्विरहरु-

मध्य मेक्सिकोमा शक्तिशाली भूकम्प आउँदा कम्तीमा १ सय ३० जनाको ज्यान गएको छ । राजधानी मेक्सिको सिटीमा दर्जनौं घरहरु भत्किएको छ।

उद्दारकर्ताहरुले भग्नावशेषमा पुरिएका हुनसक्ने जीवितहरुको खोजी गरिरहेका छन्। उनीहरुले मृत्यु हुनेको संख्या बढ्ने बताएका छन्। ७.१ म्याग्नीच्यूडको भूकम्पले मोरेलोस, प्युब्ला र मेक्सिको राज्यमा क्षति पुर्याएको हो।

३२ वर्ष अघि आएको ठूलो भूकम्पले हजारौं मारिएको वार्षिकोत्सवका दिन थुप्रै मानिसहरु भूकम्प आउँदा बच्ने उपायको पूर्वाभ्यास गरिरहेका बेला भूकम्प गएको थियो।

मेक्सिको सिटीको विमानस्थल केही समयका लागि बन्द गरिएको थियो र शहरभरका घरहरु खाली गराइएका थिए।

मेक्सिको भूकम्पको खतरामा रहेको मुलुक हो। यो महिनाको शुरुमा दक्षिणतिर ८.१ म्याग्नीच्यूडको भूकम्प आउँदा नब्बेजना मारिएका थिए।

सबभन्दा पछिल्लो भूकम्पको केन्द्रबिन्दु मेक्सिको सिटीबाट १२० किलोमिटर टाढाको प्युब्ला राज्यको एटेन्सिङ्गो रहेको बिबिसीमा उल्लेख छ ।

२०७४ असोज ४ मा प्रकाशित ।

पाकिस्तानका पूर्व प्रधानमन्त्री नवाज शरिफकी पत्नी कुलसुम नवाज विजयी भएकी छिन् । लाहोरमा भएको उपनिर्वाचनमा उनी विजयी भएकी हुन् ।

अदालतबाट गत जुलाइमा पद सम्हाल्न अयोग्य ठहर गरिएका पाकिस्तानका पूर्व प्रधानमन्त्री शरिफकी श्रीमती कुलसुम भारी मतले विजयी भएकी हुन् ।

मतगणनामा कुलसूम नवाजले आफ्ना निकटतम् प्रतिद्वन्द्वीले भन्दा करिब १५ हजार बढी मत ल्याएकी हुन् ।

उनले ६१ हजार २ सय ५४ मत प्राप्त गरेर विजयी भएको स्थानीय सञ्चारमाध्यमहरुले जनाएको छ ।

भ्रष्टाचारसम्बन्धी मुद्दामा पाकिस्तानको सर्वोच्च अदालतले तत्कालीन प्रधानमन्त्री नवाज शरिफलाई सार्वजनिक पद धारण गर्न योग्य नभएको ठहर गरेपछि उनले राजीनामा दिएका थिए ।

उनको राजीनामापछि उक्त निर्वाचन क्षेत्रमा उपनिर्वाचन भएको थियो ।

उपनिर्वाचनको नतिजा सार्वजनिक भएपछि पाकिस्तानी सत्तारुढ दल पीएमएलएनले पूर्वप्रधानमन्त्री शरिफलाई राजनीतिक षड्यन्त्रको शिकार बनाएको कुरा जनमतबाट पुष्टि भएको जनाएको छ ।

२०७४ असोज २ मा प्रकाशित ।

इराकमा आईएसले एक व्यस्त रेष्टुरेन्टमा आत्मघाती आक्रमण गरेको छ । आक्रमणमा परी ६० जनाको मृत्यु भएको छ भने २ सय भन्दा बढी घाइते भएका छन् ।

अन्तर्राष्ट्रिय संचारमाध्यमका अनुसार इराकको दक्षिणी धिक्वार प्रान्तको राजधानी नासीरियाको एक रेष्टुराँमा आईएसले आत्मघाती आक्रमण गरेको थियो । एक आत्मघातीले आफैलाई विस्फोट गराएका थिए भने अन्यले अन्धाधुन्दा गोली प्रहार गरेका थिए ।

आक्रमणकारीले सेनाको चोरेको गाडी प्रयोग गरेका थिए । विष्फोटक पेटी बाँधेका आत्मघाती भीडभाडयुक्त उक्त रेष्टुराँमा प्रवेश गरेर आफैलाई विस्फोट गराएका थिए भने अरुले ग्रिनेड र गोली प्रहार गरेको स्थानीय प्रहरीले जनाएको छ ।

यसैको केही समयपछि एक सुरक्षा चेक पोष्टमा विष्फोट गराउँदा एक कार ध्वस्त भयो । मारिनेमा सात जना इरानी नागरिकसमेत परेका छन् ।

मंगलबार सिलिगुडीमा बोलाइएको वार्तामा बंगालकी मुख्य मन्त्री ममता बेनर्जीले आन्दोलनरत दलहरुका सबै माग अस्वीकार गरेपछि बार्ता सफल हुन् सकेन । ।

यसअघि दुवै पक्षबीच पहिलो वार्ता अगष्ट २९ मा भएको थियो । छुट्टै गोर्खाल्याण्ड राज्यको माग गर्दै गोर्खा जनमुक्ति मोर्चा लगायतका दलले अनिश्चितकालिन आमहड्ताल सुरु गरेको पनि मंगलवार ९० दिन पुगिसकेको छ । 

छुटै गोर्खाल्याण्ड राज्यको माग गर्दै भारतको पश्चिम बंगाल सरकार अन्तरगतको दार्जिलिङ, मिरिक, खर्साङ र कोलेबुङ सहितको क्षेत्रमा जारी आन्दोलन दवाउन बंगाल सरकारले इन्टरनेट सेवा बन्द गरेपछि सञ्चार सेवा प्रभावित भएको छ । 

इन्टरनेटमा अनलाइन काम गर्ने सञ्‍चारकर्मी, अनलाईन फर्म भरेर पढ्न पाउने विद्यार्थी र इन्टरनेट सेवा प्रदान गर्ने आइएसपीहरु समेत प्रभावित भएका छन् । आन्दोलनरत दलहरूको मागबारे सरकार बेवास्ता गर्दै आएको छ । तर,मन्त्री  बेनर्जीले यो वार्तालाई सकरात्मक र रचणात्मक भनेकी छिन् ।

‘चाड–पर्वको मौसम पनि आइसक्यो । हामी पहाडमा शान्ति फर्केको हेर्न चाहान्छौं’, वार्ता पछि भारतीय सञ्चारमाध्यमले उनको भनाई उदृत गर्दै भनेकी छिन्, ‘यो सुखद छ कि पाँच पहाडी पार्टी आजको वार्तामा सहभागि भए र थुप्रै बिषय उठाए ।’  तेस्रो चरणको वार्ता अक्टोबर १६ मा प्रस्ताव गरिएको छ ।