प्रचण्ड र मधेसी मोर्चाबीचको सम्वन्ध विच्छेदतर्फ उन्मुख, बैठकमै रिसाए उपेन्द्र यादव
- काठमाडौं, १७ माघ ।
प्रधानमन्त्री प्रचण्डले सोमबार बोलाएको कांग्रेस, माओवादी र मधेसी मोर्चाको बैठक सकारात्मक हुन सकेन । बालुवाटारमा बसेको बैठकमा प्रधानमन्त्री प्रचण्डले संशोधन अघि बढाउने तर, चुनावलाई रोक्न नसकिने बताए ।
बैठकमा माओवादी अध्यक्ष समेत रहेका प्रधानमन्त्री प्रचण्डले मधेसी मोर्चासामु प्रश्न नै प्रश्न तेर्स्याएपछि मोर्चाका नेताहरु बैठकमा रिसाए ।
उनले सरकारले चुनावको मिति घोषणा नगरेपनि चुनावको तयारी गर्न निर्वाचन आयोगलाई भन्ने भन्दै मान्ने कि नमान्ने भनेर प्रश्न गरे ।
संविधान संशोधनलाई संसदको प्रक्रियामा लैजाँदा फेल पास जे पनि हुनसन्छ । यसो हुँदा चुनावमा जाने कि नजाने ? उनकाे अर्काे प्रश्न थियाे
तेस्रो प्रश्नः संशोधनमा के के परिर्माजन गर्न सकिन्छ मैले पहिला नै प्रष्ट भनिसकेको छ । यति परिर्माजन पनि संशोधनलाई मान्ने कि नमान्ने ?
चौथो प्रश्नः स्थानीय तह पुनर्संरचना आयोगको प्रतिवेदनमा केही हेरफेर गरौं । यो फेरबदलपछि स्थानीय तहकै चुनावमा जाने कि नजाने ?
मधेसी मोर्चाका नेताहरु आक्रोसित
बालुवाटार बैठकमा प्रधानमन्त्रीले संविधान संशोधनको प्रक्रिया अघि बढाउने र चुनावको तयारी थाल्ने प्रस्ताव राख्नासाथ मधेसी मोर्चाका नेताहरु आक्रोसित भएका छन् ।
तमलोपा अध्यक्ष महन्थ ठाकुरले संविधान संशोधन विधेयक परिर्माजनसहित पास नभएसम्म चुनावमा नजाने मात्र होइन, हुनै नदिने बताए । उनले संशोधनबारे सहमतिका लागि एमालेसँग सम्वाद गर्न प्रचण्डलाई सुझाए ।
ठाकुरले अब आफूहरु आन्दोलनमा जाने भन्दै त्यस्तो बेला सुरक्षा निकाय बाहेक अरु कुनै पनि कार्यालय मधेसमा चल्न नदिने धम्की दिएका छन् ।
संघीय गठवन्धनका संयोजक एवं संघीय समाजवादी पार्टीका अध्यक्ष उपेन्द्र यादव अझ आक्रमक रुपमा प्रस्तुत भएका थिए । उनले तीन दलभित्रभित्र मिलेको र आफूहरुलाई धोका दिन मात्र मतभेदको नाटक देखाएको बताए ।
एक नेताका अनुसार यादवले अब धेरै भेटिरहनु (बैठक बस्नु)को औचित्य नभएको भन्दै आ-आफ्नो बाटो लाग्ने (सम्वन्ध विच्छेद गर्ने) प्रस्ताव राखेका छन् । उनले भने, ‘तपाईहरुले जे गर्नुहुन्छ थाहै छ, हामीले पनि जे सक्छौं, त्यही गर्छौ ।’
सदभावना पार्टीका अध्यक्ष राजेन्द्र महतोले संविधान संशोधन नभई चुनावको कुरै नगर्न आग्रह गरे ।
प्रतिकृया दिनुहोस्
Loading...
