Big News, Prabas Khabar, Prabas News » प्रतिव्यक्ति आठ लाख तिरेर युएई पुगेका एक सय १६ नेपालीले काम पाएनन्

• काठमाडौं, १३ माघ ।

काठमाडौंमा रहेको एसआरएस म्यानपावर कम्पनीमार्फत उनीहरु युएई आएका थिए । म्यानपावरले ‘सेमी गभर्मेन्ट’ कम्पनीमा मासिक एक लाख रुपैयाँ भन्दा धेरै तलब हुने भनेर पठाएको पीडितहरुले बताएका छन् ।

म्यानपावरले प्रतिव्यक्ति आठ लाख रुपैयाँ लिएर पठाएको र अहिले काम पनि नदिएपछि आफूहरु समस्यामा परेको उनीहरुले बताए । उनीहरु फरक फरक समयमा त्यस कम्पनीमा पुगेका हुन् ।

समस्यामा परेका एक सय १६ जनाले बिहीवार आबुधाबीस्थित नेपाली दूतावासमा पुगेर उजुरी गरेका छन् । ‘यसभन्दा अघि पनि समस्या लिएर आएका थियौं । दूतावासले सहयोग नगरेपछि फेरी आयौं ।’ दैलेखका राजु केसीले भने ।