जनघात रोक्न र पार्टीमाथि दमनकारी सडयन्त्र नगर्न प्रचण्डलाई विप्लवकाे चेतावनी
- दिया चन्द
- काठमाडौं, २१ माघ ।
सरकारले माओवादी पार्टीमाथि निगरानी र धरपकड र दमन बढाउने तयारी थालेको भन्दै त्यसको विरोधमा नेकपा (माओवादी) ले शुक्रबार प्रदर्शन गर्ने भएको छ ।
नेकपा माओवादीका महासचिव नेत्र विक्रम चन्द 'विप्लव' ले एक विज्ञप्ति जारी गर्दै राज्यको दमनकारी नीतिबिरुद्ध आफ्नो पार्टी शसक्त प्रतिरोधको मार्गमा आगाडि बढ्ने चेतावनी दिएका छन् ।
विज्ञप्तिमा भनिएको छ, - 'हाम्रो पार्टी प्रचण्ड सरकारलाई यस्तो जनघात रोक्न र हामीले आगाडि बढाएका विषयमा गम्भीर हुन् आग्रह गर्दछ । अन्यथा आउने परिस्थितिको जिम्मेवार राज्य] नै हुने चेतावनी पनि दिन्छ ।'
पार्टी महासचिव विप्लले राज्यको दमनकरी र भ्रामक कार्यको देशव्यापी भण्डाफोर र प्रतिकार गर्न सम्पूर्ण पार्टी पंक्तिलाई अपिल पनि गरेका छन ।
शुक्रबार (आज) दिउँसो ३ बजे काठमाडौंको रत्नपार्क शान्तिबाटिकाबाट बिरोध प्रदर्शन सुरु हुने नेकपा माओवादीका जनबर्गिय व्यूरो इन्चार्ज मोहन कार्की 'जीवन्त' ले इमान्दार मिडियालाई जानकारी दिएका छन् ।
बिहिबार सिंहदरवारमा बसेको मन्त्रिपरिषद्को वैठकमा नेकपा (माओवादी) माथि निगरानी र धरपकड बढाउने छलफल भएको माओवादीले जनाएको छ । यसरी सरकार आफैले भिडन्त निम्त्याउन थालेको भन्दै माओवादीले कडा आपत्ति समेत जनाएको छ ।
आजको बिरोध प्रदर्शन शान्तिबाटिकाबाट सुरु भएर पुरानो बसपार्क, भद्रकाली, सुन्धारा हुदै पुनः शान्तिबाटिकामै पुगेर टुंगिने बताइएको छ । नेत्र विक्रम चन्द 'विप्लव' नेतृत्वको नेकपा (माओवादी) ले आगामी फागुन १ गते आठौं महाधिवेशन गर्दै छ ।
हेर्नुहोस् विज्ञप्ति
प्रतिकृया दिनुहोस्
Loading...
