देश विखण्डन गर्नेहरुप्रति कडा रुपमा प्रस्तुत हुने प्रचण्डको चेतावनी
- दोलखा, २० माघ ।
प्रधानमन्त्री पुष्पकमल दाहाल ‘प्रचण्ड’ले राष्ट्रवादको नाममा देश विखण्डन गर्नेहरुप्रति अब कडा रुपमा प्रस्तुत हुने चेतावनी दिएका छन् ।
विहीवार दोलखाको खिम्तिमा विद्युत प्रसारण लाइनको उद्घाटन गर्दै प्रधानमन्त्री प्रचण्डले प्रमुख प्रतिपक्षी एमालेले राष्ट्रवादको नाममा देश विखण्डनको प्रयास गरिरहेको आरोप लगाए ।
‘राष्ट्रवादको नाममा देश विखण्डन गर्नेहरुप्रति अब सरकार कडा रुपमा प्रस्तुत हुन्छ,’ प्रचण्डले भने- ‘नेपालका सबै भावनाहरुलाई एकीकृत गरी राष्ट्रियतालाई थप मजबुत पार्छाै ।’
तराई मधेश र पहाडको भावनालाई अलग थलग पार्ने हर्कतहरुलाई सरकारले अबदेखि छुट नदिने उनको भनाई छ ।
प्रधानमन्त्री प्रचण्डले संविधान संशोधन प्रस्तावमार्फत सरकारले नेपालका सबै भावनाहरुलाई एकीकृत गरी राष्ट्रियतालाई थप मजबुत पार्ने कोशिस गरेको दाबी गरे ।
प्रतिकृया दिनुहोस्
Loading...
