उत्तरी भोजपुरमा दर्जनौँ हातहतियार र विस्फोटक पदार्थ भेटिए
भोजपुर, १२ चैत ।
भोजपुरको मार्तेलमा दर्जनौँ हातहतियार र विस्फोटक पदार्थ भेटिएको छ ।
उत्तरी साल्पासिलिछो गाउँपालिका–५ दोभानेमा टुइन्च मोटार, टियर ग्यास, भेरी लाइट, सकेट बम, कटुवा पेस्तोल, ग्रिनेट, एसएलआरको गोलीलगायत विस्फोटक पदार्थ फेला परेको जिल्ला प्रहरी कार्यालय भोजपुरले जनाएको छ ।
स्थानीयवासी आङगेलु शेर्पाको पुरानो घरमा भतिजा काजीले सरसफाइ गर्ने क्रममा बाकसमा हातहतियार फेला पारेपछि प्रहरीलाई जानकारी गराए। फेला पारिएका हातहतियार प्रहरी चौकी दोभानेको सुरक्षामा राखिएको छ ।
नेपाली सेनाको पूर्वी पृतना इटहरीबाट डिस्पोजल टोली घटनास्थलमा खटिएको जनाइएको छ । ती हतियार द्वन्द्वकालमा राखिएको हुन सक्ने प्रहरीको प्रारम्भिक अनुमान छ ।
प्रतिकृया दिनुहोस्
Loading...
