यो दुवै काम सम्पन्न गर्न प्रचण्डलाइ भारतको साथ अनिवार्य थियो । भारत नेपालमा जसरी पनी अस्थिरता चाहान्थ्यो, त्यसैले उसले एकातिर प्रचण्ड सरकारलाई असन्तुष्टहरुलाई पेलेरै भएपनि स्थानीय निर्वाचनको घोषणा गर्न उक्साइ रहेको थियो । 

अर्कातिर मधेशी मोर्चालाई संविधान संसोधनबिना कुनै पनि हालतमा चुनावमा नजान दबाद दिइरहेको थियो । यता सरकारलाई स्थानीय चुनावको घोषणा गराउन सफल भइसकेपछि अब मधेशी मोर्चालाई उचालेर मधेशमा आन्दोलनको आगो बाल्ने वातावरण बनाउनु थियो । 

त्यसका लागी भारतलाइ उपर्युक्त माहुल चाहिएको थियो । ठिक त्यही बेला एमालेको मेची-महाकाली अभियान सुरु भयो । यसलाई भारतले सहि मौका ठानेर त्यसको सदुपयोग गर्दै  मधेशी मोर्चालाई आन्दोलन सुरु गर्ने र खास मौकामा सरकारबाट बाहिरिदै नेपाललाई अस्थिर बनाउने योजना सफल पार्ने तारतम्य मिलायो, भारत यहानेर पनि सफल नै भएको छ।

यो दुई वटा खेलमा आफु खेल्ने र नेपालमा अस्थिरता कायम गर्दै आफ्नो नवउपनिवेश कायम गर्ने भारतको योजना अहिले सफल भएको मान्न सकिन्छ ।

अब प्रचण्डका अगाडी दुई बिकल्प 

सप्तरी हत्याकाण्डपछि  देशमा जुन प्रकारको अस्थिरता उत्पन्न भएको छ, त्यसले अब प्रचण्डका अगाडी दुई वटा विकल्प खडा गरिदिएको छ।