‘बेपत्ता’ डीआईजीले २० मिनेटको अन्तरमा गरे २ वटा ट्वीट
- काठमाडौं, १८ बैशाख ।
आइतबार साँझ ललितपुरको बीएण्डबी अस्पताल एकाएक गायब बनेका डीआईजी नवराज सिलवालले आज बिहान २ वटा ट्वीट गरेका छन् ।
अस्पतालबाट डिस्चार्ज भई घरमै आराम गरिरहेको दाबी गर्दै उनले २० मिनेटको अन्तरमा २ ओटा ट्वीट गरी न्याय, लोकतन्त्र र समानताको मिसनमा निरन्तर लागिरहने बताएका छन् । यद्यपी प्रहरी स्रोतले भने सिलवाल खोजीका क्रममा बालकुमारीस्थित घरमा समेत नभेटिएका बताएको थियो ।
बिहान ८ बजेर सात मिनेटमा पहिलो ट्वीट गर्दै उनले भनेका छन्– ‘अन्धकार रातमा जंगलको वाटोमा हिंड्दै गर्दा थोरै प्रकाशले पनि अगाडिको वाटो देखाई रहेको हुन्छ ।’
त्यसको २० मिनेटपछि ८ बजेर २७ मिनेटमा उनले घरमै आरोम गरिरहेको र न्याय, लोकतन्त्र र समानताको मिसनमा निरन्तर लागिरहने उल्लेख गरेका छन् ।
उनले भनेका छन्, ‘ अस्पतालवाट घर फर्किएर स्वास्थ्य लाभ गरिरहेको छु। शुभेक्षाका लागि सवैलाई धन्यवाद ! न्याय, लोकतन्त्र र समानताको मिसनमा मेरो समर्पण रहिरहनेछ।’
सर्वोच्च अदालतका प्रधानन्यायाधिस सुशीला कार्कीमाथि महाभियोग दर्ता भएपछि उनी अस्पताल छोडेर हिँडेका थिए ।
अस्पताल छोडेपछि ललितपुर प्रहरीले उनको घर तथा आफन्तको घरमा खोजी गरेपनि भेटन सकेको छैन् । उनले भूमीगत स्थलबाट ट्वीट गर्दै अस्पतालबाट घर फर्किएर स्वास्थ्य लाभ गरिरहेको बताएका हुन् ।
सरकारले उनीमाथि आइजीपी नियुक्ति मुद्दामा किर्ते कामसु पेश गरेको अभियोगमा छानबिन गरिरहेको छ ।
यो पनि पढ्नुहोस्
प्रतिकृया दिनुहोस्
Loading...
