मतपत्र च्यातिएपछि मध्यरातमा रचियो यस्तो रोचक कविता
अनेक शंका उपशंकाकाबीच त्यस लगत्तै पत्रकार प्रकाश सिलवालले 'च्यातिएका कागजहरुको नाममा' एउटा यस्तो रोचक कविता लेखे ।
यस्तो होस् कि
त्यस्को कुनै दसी प्रमाण फेला नपरोस्
हेर्नुहोस् पुरै कविताप्रकाश सिलवाल ।
च्यात !
धूजा धूजा पारेर च्यात !
यस्तो होस् कि
त्यस्को कुनै दसी प्रमाण फेला नपरोस्
केवल तिम्रो बहादुरीको तस्विर
सहरभरी फैलियोस् !
तिम्रो त्यो साहस !
इतिहासको कुन्युमा पुगेर
सजिलै बास बस्न सकोस् !
टुक्राटुक्रा पारिएको कागजको धूलोलाई
चपाएर निलिदेऊ
र,
छेउमा छडी बोकेको
प्रहरीलाई भन्न लगाऊ
च्यातिएको कागजमा
मलाई शासन गर्ने महान् अख्तियारी थियो
मेरो जनतन्त्रको छलाङ्को छायाँ थियो
त्यसैले अहिले भर्खरै म विजयी भएँ !
मलाई माला लगाऊ
तुरुन्त, रथ र अविरयात्राको तयारी गर ।
नत्र,
फेरि च्यातिदिनेछु
तिमीहरुको मन
र, जलाउनेछु त्यसलाई नारायणीको किनारमा
उखेलिदिन्छु तिम्रा आँखा
ताकि
तिमीले कहिल्यै देख्ने छैनौ
कस्ले च्यातेको थियो
ती स्वस्तिक छापे कागजहरु !
(२०७४ वैशाख १४ गते मध्यरात ।)
प्रतिकृया दिनुहोस्
Loading...
