मंगलबार साँझ सङ्गठनकी केन्द्रीय अध्यक्ष बन्धु चन्द संगठनात्मक कामको सिलसिलामा प्यूठानमा सामान्य छलफलमा बसिरहेकै बेला प्रहरीले एक्कासी घेरा हाली पञ्चायती शैलीमा गिरफ्तार गरेको भन्दै नेतृ उपाध्यायले कडा आपत्ति जनाएकी छिन ।

बुधबार एक प्रेस विज्ञप्ति सार्वजनिक गर्दै उनले संगठनकी बन्धु चन्दलगायत गिरफ्तार परेका अन्य ११ जना नेता, कार्यकर्तालाई तुरुन्त रिहा गर्न जोडदार माग गरेकी हुन् ।

'यो कथित लोकतान्त्रिक गणतन्त्रले दिएको नागरिकको मौलिक अधिकारलाई समेत गम्भीर उल्लंघन गरी दैशैभरि हाम्रो संगठनका नेता, कार्यकर्ता, समर्थक, सर्वसाधारणलाई समेत पञ्चायती शैलीमा दमन, धरपकड र गिरफ्तार गरिएको छ । यो घटनाले हाम्रो संगठनको गम्भीर ध्यानाकर्षण भएको छ । संगठनका अध्यक्ष बन्धु चन्दलगायत गिरफ्तारीमा पर्नुभएका सम्पूर्ण नेता, कार्यकर्तालाई तुरुन्त रिहा गर्न जोडदार माग गर्दछौँ । नेतृ उपाध्यायद्वारा हस्ताक्षेरित विज्ञप्तिमा भनिएको छ । 

अाफ्ना अध्यक्षलाएतका नेता कार्यकर्ता रिहा गर्न विलम्ब गरिएमा त्यसको विरुद्ध प्रतिरोध गर्ने उनको चेतावनी छ । 'प्रतिरोधबाट आउने परिणामको जवाफदेही स्यवम् राज्य नै हुनुपर्नेछ ।' उनले विज्ञप्तिमा भनेकी छिन ।

बुधबार कम्युनिष्ट पार्टीको आन्तरिक बैठकमा हस्तक्षेप गर्दै बैठकबाट नेकपाका राप्ती ब्यूरो इन्चार्ज सुवास बाठा, केन्द्रीय सदस्यहरु बन्धु चन्द, असल क्षेत्रिसहति एक दर्जन जिल्ला सदस्यहरुलाई गिरफ्तार गरेको छ । उनिहरूलार्इ जिल्ला सदरमुकाम खलङ्गास्थित, जिल्ला प्रहरी कार्यालयको हिरासतमा राखिएको छ ।

त्यस्तै मंगलबार नै रोल्पबाट पनि कम्युनिस्ट पार्टी निकट कलाकारहरुलाई प्रहरीले गिरफ्तार गरेको छ । साँस्कृतिक कार्यक्रम सकेर फर्कदै गरेका ११ जना कलाकारहरु रोल्पको इरिबाङस्थित तिराम गाबिसको तिन दमारे गाउँपालिकाबाट गिरफ्तार गरेको हो ।