निर्माण व्यवसायी महासंघका अध्यक्ष गौचनको गोली हानी हत्या
![](https://2.bp.blogspot.com/-xjfqAGLZD7U/WdtWaxkbCuI/AAAAAAAAXJM/c9ckpOOmOGUNt47qQSmtUFSwjFrxTBq2ACLcBGAs/s1600/Shrad-Gauchan-death.jpg)
- काठमाडौं ।
निर्माण व्यवसायी महासंघका अध्यक्ष शरदकुमार गौचनको गोली हानेर हत्या भएको छ । काठमाडौंको बानेश्वर खरिबोटमा गौचनमाथि अज्ञात समूहले सोमबार दिउँसो गोली हानेको थियो ।
उनको सिभिल अस्पतालमा उपचारको क्रममा निधन भएको हो । बा १३ ४९४८ नम्बरको गाडीमा सवार गौचनको पेटमा दुईवटा गोली लागेको थियो । उनीमाथि गाडीको अगाडिको शिसाबाट गोली प्रहार गरिएको थियो ।
गौचनलाई गोली प्रहार गर्ने समूहबारे अहिलेसम्म कुनै तथ्य फेला नपरेको प्रहरीले जनाएको छ । घटनाबारे अनुसन्धान भइरहेको र सोधपुछका लागी गौचनका गाडी चालकलाई नियन्त्रणमा लिएको प्रहरीले जनाएको छ।
प्रतिकृया दिनुहोस्
Loading...