• दिया चन्द । 

काठमाडौँ २५ फागुन ।

सिरहा,१९ माघ

पूर्व पश्चिम राजमार्ग अन्तर्गतको सिरहाको चोहर्वामा बुधवार बिहान जन्ती बोकेको बस र ट्रक ठोक्किँदा एक जनाको ज्यान गएको छ ।

घटनामा १२ जना भन्दा धेरै घाइते भएका छन् । उदयपुरको छबिसेका २० बर्षका रोशन सुवेदीको उपचारको क्रममा ज्यान गएको हो ।

निश्चल थापा, सानु थापा, प्रभा थापा, सुभाष थापा लगायतको अवस्था गम्भीर रहेको र उनीहरुको विराटनगरस्थित न्यूूरो अस्पतालमा उपचार भइरहेको प्रहरीले जनाएको छ । अन्य सामान्य घाइतेको स्थानीय अस्पतालमा उपचार भइरहेको छ ।

उदयपुर कटारीबाट जन्ती लिएर विराटनगरका लागि छुटेको ना ४ ख ७४३३ नम्बरको बसलाई ना ४ ख १७८६ नम्बरको ट्रकले ठक्कर दिएको हो । दुर्घटनापछि केही बाटो अवरुद्ध भएको थियो ।

बाक्लो हुुस्सु र तीब्र गतिको कारण दुर्घटना भएको हुनसक्ने इलाका प्रहरी कार्यालय गोलबजारले जनाएको छ ।

• रुपन्देही,१५ माघ ।

रुपन्देहीमा कारको ठक्करबाट एक जनाको ज्यान गएको छ । 

प्यूठान, १४ माघ ।
दाङवाङ–६, कोलबोटमा मोटरबाटो खन्ने जेसिभी डोजर मेसिन पल्टिँदा तीनजनाको घटनास्थलमा नै मृत्यु भएको छ ।

गाउँमा मोटरबाटो निर्माण सम्पन्न गरी फर्कने क्रममा आज बिहान उकालोमा डोजरको ‘बे्रक फेल’ हुँदा दुर्घटना भएको स्थानीयवासी हरि मगरले जानकारी दिए।

दुर्घटनामा परी स्थनीयवासी डोजरका सहचालक करिब १७ वर्षीय दीपक गाहामगर, २० वर्षीय शेषकान्त आचार्य र १३ वर्षीय ज्ञानेन्द्रबहादुर गाहामगरको मृत्यु भएको जिल्ला प्रहरी कार्यालय प्यूठानका प्रहरी नायब उपरीक्षक रञ्जितसिँह राठोरले जानकारी दिए ।

सोही घटनामा परी नौजना घाइते भएको स्थानीय तथा युवा स्वरोजगार कार्यक्रम प्यूठानका संयोजक अमर रेश्मीमगरले जानकारी दिए । घाइतेको अमराईमा सामान्य उपचारपछि ६ जनालाई थप उपचारका लागि भैरहवा पठाइएको छ ।

यसैगरी, काठ ढुवानी गर्नका लागि लामाचौरबाट भिङ्ग्री जाँदै गरेको रा १ त १३२२ नंको ट्याक्टर गोठिवाङ–४ का कागपाती खोलामा हिजो साँझ दुर्घटना हुँदा एकजनाको मृत्यु भएको छ ।

सहचालक तथा स्थानीयवासी २२ वर्षीय मुक्तबहादुर बुढाथोकीको घटनास्थलमा नै मृत्यु भएको जिल्ला प्रहरी कार्यालय प्यूठानले जनाएको छ ।

• धादिङ, २३ पुस ।

जीपको ठक्करबाट एक जनाको ज्यान गएपछि स्थानीय बासिन्दाले धादिङ–नौबिसे सडकखण्ड अवरुद्ध गरेका छन् ।

काठमाडौंबाट मनाङका लागि छुटेको बा १५ च ४४८२ नम्बरको जीपले नौविसे ४ कानाकोटमा ठक्कर दिँदा अन्दाजी ६५ वर्षका सानु थापाको घटनास्थलमै ज्यान गएको प्रहरीले जनाएको छ ।

प्रहरीले ठक्कर दिने जीप चालकलाई पक्राउ गरेको छ । घटनापछि स्थानीय बासिन्दाले धादिङ–नौबिसे सडकखण्ड अवरुद्ध गरेका हुन् । प्रहरीले बल प्रयोग गरेर भएपछि बाटो खुलाउने प्रयास गरिरहेको छ ।

• काठमाडौं, २२ पुस ।

आफन्त र समाजले थाहा पाउने डरले चाँपागाउँ निवासी एक अविवाहित युवतीले जन्म हुनासाथ आफ्नै शिशुलाई शौचालयमा लगेर ब्लेडले घाँटी काटी हत्या गरेकी छिन् ।

सिन्धुपाल्चोकको इर्खु गाविस घर भएकी झण्डै १८ वर्षकी अनिषा तामाङले समाजबाट लुकाउन एक हप्ता अघि शिशुको हत्या गरेको प्रहरी अनुसन्धानका क्रममा खुलेको छ । केही समयसमयदेखि उनी दिदी भिनाजुसँगै बस्दै आएकी थिइन् ।

अनिषाको नातामा दाजु पर्ने कृष्णबहादुर तामाङलाई पनि योे घटनामा सहयोग गरेको अभियोगमा प्रहरीले पक्राउ गरेको छ । 

• बैतडी, १८ पुस । 

• बारा, १८ पुस ।

बाराको पथलैया नजिक दुधौरा पुलमा आइतबार रातीे बस दुर्घटना हुँदा २ जनाको मृत्यु भएको छ भने ५४ जना घाईते भएका छन् ।

नयाँ वर्षको अवसरमा हेटौंडाको सहिद स्मारकमा पिकनिक मनाएर फर्कदै गर्दा सर्लाहीको परबानीपुर गाविसस्थित श्री डिम जनता उच्च माविका बिद्यार्थीहरु चढेको बस दुर्घटना भएको हो ।

दुर्घटनामा परी मृत्यु हुनेमा सर्लाही चिसापानी गाविस १ बस्ने १८ वर्षीय रबिना बैजु र सोही गाविस ५ बस्ने १९ वर्षीय संदेश बस्नेत रहेका छन् ।

घाईते मध्ये ४ जनाको अवस्था चिन्ताजनक रहेको ईलाका प्रहरी कार्यालय सिमराले जनाएको छ ।

३५ जना अट्ने सिट क्षमता रहेको उक्त बसमा ८५ जना विधार्थी सवार रहेको हुँदा चालकले गती नियन्त्रण गर्न नसक्दा दुर्घटना भएको बसमा सवार घाईते कृष्ण योन्जनले बताइन् ।

घाइतेहरुको बिरगंज स्थित गण्डक हेल्थ केयर, विरगञ्ज हेल्थ केयर, नेशनल मेडीकल कलेज र सिमरास्थित तराई हस्पिटलमा उपचार भैरहेको छ ।

• गौशाला, १६ पुस । 

• दाङ, ७ पुस । 

• बनेपा, २६ मंसिर ।

काभ्रेपलाञ्चोकको नासिकास्थान गाविस–१ भैसीपाटीको अरनिको राजमार्ग सडकखण्डमा आज बिहान दुर्घटना हुँदा दुईजनाको मृत्यु भएको छ ।

मृत्यु हुनेमा झापा जिल्लाका ४१ वर्षीय निलम कार्की र मोरङ मधुमाला–७ बस्ने ३५ वर्षीय मदन श्रेष्ठ रहेको जिल्ला प्रहरी कार्यालय, काभ्रेपलाञ्चोकका प्रहरी नायब उपरीक्षक नवीनराज राईले जानकारी दिए ।

दमकबाट सिन्धुली हुँदै काठमाडौँ गइरहेको मे१ज २१९१ नंको टाटासुमोलाई विपरीत दिशाबाट आउँदै गरेको बा४ख ३५५६ नंको टिपरले ठक्कर दिँदा सुमो खेतमा पल्टिएको थियो । प्रहरीका अनुसार टिपर चालक फरार छन् भने टिपर नियन्त्रणमा लिइएको छ ।

दुर्घटनामा गम्भीर घाइते भएका दुवैको अस्पतालमा उपचारका क्रममा मृत्यु भएको थियो । सो घटनामा घाइते भएका अन्य नौजनाको बनेपास्थित शिर मेमोरियल अस्पतालमा उपचार भइरहेको छ ।

• उदयपुर, २४ मंसिर । 

पाँचथर, १८ मंसिर ।

पाँचथर सदरमुकाम फिदिमबाट ताप्लेजुङका लागि छुटेको ट्रक शनिबार बिहान दुर्घटना हुँदा चालकको ज्यान गएको छ ।

भारपा–६ गुँरासेमा मे १ ख १८४९ नम्बरको ट्रक पल्टिँदा फिदिम–३ का ३० वर्षका चालक मोहन कुमार राईको घटनास्थलमै ज्यान गएको पाँचथरका प्रहरी नायब उपरीक्षक नकुल पोख्रेलले जानकारी दिए ।

मोडमा ट्रक घुम्न नसक्दा बाटोबाट ट्रक तल खसेको प्रहरीको भनाई छ । राईको शव पोष्टमार्टको लागि पाँचथर अस्पताल ल्याइएको छ ।

दमक, १४ मङ्सिर ।

स्कारपियोको ठक्करबाट झापाको शिवसतासी नगरपालिका–५ मा गएराति एक पैदलयात्रीको मृत्यु भएको छ । 

काठमाडौं, ८ मंसिर ।

राष्ट्रिय जनमोर्चाका अध्यक्ष एवं पूर्व उपप्रधानमन्त्री चित्रबहादुर केसी माइक्रो बसबाट लडेर घाइते भएका छन् ।

कपनस्थित पार्टी कार्यालय जाने क्रममा केसी दुर्घटनामा परेका केसीको टाउको र ढाडमा चोट लागेको छ । उनको केएमसी अस्पतालमा उपचार भइरहेको छ ।

माइक्रो बसको ढोका छेउको सिटमा बसेका केसी घुम्तीमा अचानक लड्न पुगेका बताएको छ ।

स्थानीयको सहयोगमा उनलाई अस्पताल लगिएको र अहिले अवस्था सामान्य रहेको भतिज हिरा केसीले बताए ।