क्रान्तिकारी पत्रकार बरमबहादुर महत नेपाल पत्रकार महासंघ जुम्लाकाे अध्यक्ष पदमा निर्वाचित भएका छन् । 

नेपाल पत्रकार महासंघ जुम्लाको ५ औ जिल्ला अधिवेशनबाट अध्यक्षमा महत सर्वसम्मत रुपमा चयन भएका छन् । 

यस्तै उपाध्यक्षमा नेत्रबहादुर शाही, महिला उपाध्यक्षमा गीता शाही (महत) र सचिवमा धनबहादुर बुढा चयन भएका छन भने सह–सचिवमा भरत बोहोरा र नौरते नेपाली तथा कोषाध्यक्षमा ईश्वरीप्रसाद देवकोटा चयन भएका छन् ।

अन्य सदस्यमा बिष्णुमाया रोकाया, विजय रावत, धर्मसिहं कठायत, साङमु लामा, तिर्थ वड, रतन नेपाली, सूर्य अधिकारी र कृष्ण वोहोरा चयन भएका छन् ।

प्रदेश सभासदमा शुरबहादुर सिंह, धनलाल बस्नेत, पदम रोकाया, शिवराज न्यौपाने, खगेन्दबहादुर मल्ल, देविप्रसाद पाण्डे, शिवा शाही, कर्णबहादुर भण्डारी, तुलाराम रावत, कृष्णामाया उपाध्याय, धिरज महत, जयऋषि उपाध्याय र मोहन बिक्रम शाही चयन भएका छन् ।

यसैगरी केन्द्रीय सभासदमा नरेश भण्डारी, रमेश आचार्य, पूर्णप्रसाद चौलागाई, गोर्खबहादुर थापा, नेत्रबहादुर शाही, भीम नेपाली साने, नरेन्द्रनाथ योगी, उमेश आचार्य, ईन्दिरा थारु र लक्ष्मीप्रसाद देवकोटा चयन भएका छन् ।

जुम्ला, २० माघ ।

जुम्लामा आफ्नै बाबुआमाको हत्या गर्ने एक व्यक्तिलाई प्रहरीले पक्राउ गरेको छ ।

केन्द्रीय प्रहरी समाचार कक्षका अनुसार गोठीचौर–२ बस्ने ३० वर्षीय बिरबहादुर ऐडीलाई घर अगाडि आफ्नै ४५ वर्षीय बाबु गोरख ऐडी र ५० वर्षीया आमा जयरुपा ऐडीलाई ढुंगाले हानी हत्या गरेको अभियोगमा बुधबार प्रहरीले पक्राउ गरेको हो ।

निज बिरबहादुर ऐडीको मानसिक सन्तुलन गुमेको भन्ने खुल्न आएकोले यस सम्बन्धमा प्रहरीले थप अनुसन्धान गरिरहेको छ ।

जुम्ला १६ पुस । 

जुम्ला, १५ असोज ।

कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा कार्यरत एकसय १७ कर्मचारी तलब, भत्ता खानबाट वञ्चित भएका छन् । प्रतिष्ठान पदाधिकारी विहीन् हुँदा यो समस्या आएको हो । 

प्रतिष्ठानका उप–कुलपति पारसकुमार आचार्य जेठमा र रजिष्ट्रार श्याम लम्सालको साउन महिनामै कार्यकाल समाप्त भइसकेको र अहिलेसम्म सरकारले नयाँ पदाधिकारी नियुक्त नगरेकाले यो समस्या आएको प्रतिष्ठानका शिक्षाध्यक्ष धर्मराज श्रेष्ठले जानकारी दिए । 

शिक्षाध्यक्ष श्रेष्ठले स्वास्थ्य मन्त्रालयले उप–कुलपति आचार्यको कार्यकाल समाप्त हुँदा जेष्ठताका आधारमा आफूलाई कार्यबाहक उप–कुलपति नदिएर रजिष्ट्रार लम्साललाई दिनुले आफ्नो अपमान भएको दुःखेसो गरे । 

प्रतिष्ठानका प्रशासकीय अधिकृत द्वन्द्वबहादुर शाहीले शिक्षा अध्यक्षलाई कावा उप–कुलपतिको हैसियतमा परिपत्र नगरेकाले अहिले कार्यालयको काम उधारोमा चलाएको पीडा व्यक्त गरे । 

आर्थिक एवम् प्रशासनिक काम रोकिँदा चिकित्सक टोलीसहित प्रतिष्ठानका कर्मचारीले दशैं तलब पाउने अवस्था नरहेको र यसले उनीहरुमा निराशा पैदा गरेको प्रतिष्ठानका नर्सिङ डिन गायत्री राईले गुनासो गरे । 

डिन राईकाअनुसार प्रतिष्ठानमा पदाधिकारी नियुक्ति नहुँदा काम गर्ने वातावरण पनि असहज बन्दै गएको छ । 

जुम्ला, १६ भदौ ।

गएराति जुम्लाको बुम्रमाडीचौर गाविसबाट अत्याधुनिक हतियारसहित पाँचजना लुटेरालाई प्रहरीले पक्राउ गरेको छ ।

प्रहरीले एसएमजी एक थान, सात राउन्ड गोली, एक थान चाइनिज पेस्तोल र तीन राउन्ड गोली, ३०० केजी वन लसुन र रु ७० हजार नगदसहित पाँचजना लुटेरालाई पक्राउ गरेको हो ।

जनपथ तथा सशस्त्र प्रहरीको संयुक्त अपरेसनको १६ दिनपछि लुटेराहरु पक्राउ परेको जिल्ला प्रहरी कार्यालय जुम्लाका प्रहरी नायब उपरीक्षक विष्णुहरि कोइरालाले जानकारी दिए ।

प्रहरी नायब उपरीक्षक कोइरालाका अनुसार गोठीचौर, पातारासी, छुमचौर र डिल्लीचौरमा पनि अपरेसन तीव्र बनाइएको छ । 

पक्राउ परेका पाँचजनामाथि अनुसन्धान थालिएको उनले बताए ।

यसअघि जिल्लाको पातारासी गाविसका जनक बुढा र पृथ्वीबहादुर ऐडीको घरबाट धनमाल र रु छ लाख नगद लुट्नेलाई डाँकाको मुद्दा चलाइरहेका बेला पुन पाँचजना लुटेरालाई प्रहरीले समात्न सफल भएको हो ।

प्रहरीले लुटेरालाई खोजतलास कार्य तीव्र बनाएपछि स्थानीयवासी खुसी भएका छन् ।