प्रेस सेन्टर, नेपाल राष्ट्रिय समाचार समितिको अध्यक्षमा पत्रकार रत्नकृष्ण श्रेष्ठ निर्वाचित भएका छन्। 

काठमाडौं ७ असोज।

गोरखापत्र दैनिकमा कार्यरत सबै श्रमजिवीहरुलाई साउन १ गतेदेखिकै न्युनतम पारिश्रमिक उपलब्ध गराइने संस्थानका सहायक महाप्रबन्धक गोपालप्रसाद भट्टराईले प्रतिवद्धता जनाएका छन् ।

क्रान्तिकारी पत्रकार संगठन, नेपाल उपत्यका विशेष व्युरो समन्वय समितिको ज्ञापनपत्र बुझ्दै गोरखापत्र संस्थानका सहायक महाप्रबन्धक भट्टराईले महाप्रबन्धक शुशिल कोइराला पनि यसमा सकारात्मक रहेको आफूले बताएको जनाए ।

• काठमाडौँ, ६ असोज ।

समाज रुपान्तरणमा योग शिक्षाको भूमिका महत्वपूर्ण हुनेमा जोड दिइएको छ ।

पतञ्जली योग पीठ काठमाडौँ–२, सुन्दरीजलको आठौँ वार्षिकोत्सव कार्यक्रमका सहभागीले समाज रुपान्तरण गर्न स्वस्थ मनको आवश्यकता पर्ने भएकाले नियमित योग अभ्यासबाट मन र शरीर दुवै स्वस्थ हुने धारणा राखे ।

सांसद रामेश्वर फुयाँलले समाज रुपान्तरण गर्ने जनशक्ति निर्माणका लागि नियमित योग अभ्यास गराउने केन्द्रको स्थापना गरिनुपर्ने बताए ।

नेपाल संस्कृत विश्वविद्यालय वेद विभागका पूर्व प्रमुख प्रा डा ऋषिराम पोखरेलले वैदिककालदेखि मानिसको मन र शरीर दुवैलाई शान्त बनाउन योग प्रभावकारी माध्यम सिद्ध हुँदै आएको सुनाए ।

सो अवसरमा ७० वर्षमाथिका नियमित योग अभ्यास गर्ने माधव खड्का र शङ्कर बम्जन एवम् योग अभ्यास गराउने शिक्षक वसन्त अर्याललाई सम्मान गरियो ।

काठमाडौँको उत्तर पूर्वी भेगको गोकर्णेश्वर र कागेश्वरी मनोहरा नगरपालिकाका सुन्दरीजल, नयाँपाटी, गागलफेदी, आलापोट, भद्रवास, डाँछीलगायत स्थानका व्यक्तिले बिहान ५ बजेदेखि ओखरेनी माध्यमिक विद्यालयको खुला चौरमा योग अभ्यास गर्दै आएका छन् ।

नियमित योग अभ्यासबाट सुखी जीवन बाँच्न सहयोग पुगेको उनीहरुको भनाइ छ ।

काठमाडौँ ५ असोज ।

कमल ज्ञवालीलाई अदालतले चार बर्ष जेल सजाय र ६ करोड २५ लाख रुपैयाँ जरिवाना गरेकोे छ । उनी तत्कालीन किष्ट बैंकका प्रमुख कार्यकारी अधिकृत हुन् ।

ललितपुरको पाटनमा रहेको उच्च अदालतले ज्ञवाली, उनकी श्रीमति र अन्य ४ जनालाई बैकिङ कसुरमा कैद र जरिवाना गर्ने फैसला गरेकोे हो । अदालतलेज्ञवालीकी पत्नी गौरी खनाललाई ३ वर्ष कैद र ६ करोड २५ लाख रुपैयाँ जरिवाना गरेको छ ।

सोही मुद्धामा ऋणी किशोर ढकाललाई ४ वर्ष कैद र ५० लाख रुपैयाँ, धितो मूल्यांकनकर्ता कोमलानन्द अधिकारीलाई ४ वर्ष कैद र ५ करोड ७३ लाख रुपैयाँ जरिवाना भएको छ ।

मुद्धामा संलग्न अन्य प्रतिबादीहरु शेखर अर्याल, मधुसूदन सिलवाल, रमेशकुमार शर्मा, दीपेन्द्र कार्की र केपी शर्मालाई जनही २, २ वर्षका दरले कैद सजाय भएको छ ।

ज्ञवालीलाई अदालतले सिद्धार्थ डेभलपमेन्ट बैंकको कर्जा दुरुपयोग गरी बैंकिङ कसुर गरेको अभियोगमा दोषी ठहराएको हो । 

काठमाडौँ २ असोज।

सरकारको नेतृत्व गरेको माओवादी केन्द्रले अख्तियार दुरूपयोग अनुसन्धान आयोग अदालतको आदेशपछि आत्तिएर बार्गेनिङमा उत्रिएको आरोप लगाएको छ।

अख्तियारले माओवादी सेनाका लडाकुको भरणपोषणमा भएको भ्रष्टाचारमा मुछिएका नेतालाई ३० दिन भित्र बयानका लागि बोलाएपछि माओवादी नेताहरूले त्यस्तो आरोप लगाएको खबर आजको अन्नपूर्णमा छापिएको छ।

काठमाडौं २७ भदौ।

प्रचण्ड नेतृत्वको सरकारले कामचोर र नेता कर्मचारीलाई बर्खास्त गर्न सक्ने कार्यविधि ल्याउन तयारी गरेको छ । 

काठमाडौँ, १८ भदौ ।

काठमाडौं १८ भदौ  ।

दोलखाको लामाबगरमा बिहीबार राति गएको पहिरोमा परी बेपत्ता ७ जनामध्ये दुईको शव शुक्रबार फेला परेको बताएको छ । यससँगै पहिरोमा परी मृत्यु हुनेको संख्या पाँच पुगेको छ ।

सेना, प्रहरी, स्थानीय तथा स्थानीय सडक निर्माणका मजदुरसमेतले खोजी गर्ने क्रममा शुक्रबार बेलुका दुई जनाको शव फेला परेको स्थानीय राजन तामाङले बताए ।

सडक निर्माणका रहेका मजदुर तथा ठेकेदार कार्यरत क्षेत्रमा खाना–नास्ता खुवाउन संचालित अस्थायी तीन पसललाई माथिबाट झरेको विशाल पहिरोले पुरिएर सात जना बेपत्ता थिए । स्थानीयका अनुसार अझै पाँच जना हराइरहेको तामाङले अनलाइन डबलीलाई बताए ।

फेला परेको शव एक पुरुष र अर्का महिलाको रहेको उनले बताए । दुवै शव सनाखत हुन भने सकेको छैन । यस क्षेत्रका बासिन्दालाई पहिरोबाट जोगाउन सुरक्षित स्थानमा सारिएको जिल्ला प्रहरी कार्यालय चरिकोटले जनाएको छ ।

स्थानीय झसाङ तामाङ, ४० वर्षीया पातमाया तामाङ, २५ वर्षीया तृषि तामाङ र ७० वर्षीया सतमाई तामाङ अझै बेपत्ता छन् । थप बेपत्ताको खोजी भइरहेको उनले बताए ।

पसलमाथि छ्योछ्यात पहाडबाट झरेको पहिरो खसेको थियो । पहिरो लागेर भर्खर चालू भएको सडक करिब एक सय मिटर भासिएको बताएका छन् ।

बिहीबार राति नै लामाबगर छ्योछ्यातेका २१ बर्षिय बाटुले तमाङ, २० वर्षीय प्रेममाया तमाङ र ४० वर्षीय बथमाया तमाङसहित तीन जनाको शव पहिरोबाट निकालिएको थियो ।

काठमाडौं ११ भदौ।

इलाका प्रहरी कार्यालय इटहरीमा बुधबार मात्रै सरुवा भएर आएका प्रहरी नायब उपरीक्षक (डिएसपी) नरेशराज सुवेदीले प्रहरी कार्यालयलाई यातनारहित बनाउने प्रतिबद्धता जनाएका थिए ।

तर, उनको प्रतिबद्धता २४ घन्टा पनि टिकेन । प्रतिबद्धता जनाएको २४ घन्टा पनि नबित्दै स्थानीय एक आर्ट (पेन्टर) व्यवसायीलाई प्रहरीले कार्यालयभित्रै लगेर कुटपिट गरेको छ ।

स्थानीय संगीत चोकमा रहेको न्यु रेम्बो आट्र्स एन्ड नाइलन स्ट्याम्पका कर्मचारी मनोज पञ्जियारलाई प्रहरीले शुक्रबार दिउँसो ३ बजे कार्यालयभित्रै लगेर कुटेका हुन् । उनको देब्रे गाला सुन्निएको आजको नयाँ पत्रिका दैनिकमा समाचार छ ।

प्रहरी कार्यालय इटहरीले नयाँ डिएसपीको नेमप्लेट, वालपेन्ट बनाउन न्यु रेम्बो आट्र्सका सञ्चालक शिवकुमार कटुवाललाई जिम्मा दिएको थियो । सोहीअनुसार पञ्जियारले डिएसपी सुवेदीको कार्यकक्षको टेबलमा राख्ने नेमप्लेट, वालपेन्टमा नाम लेखेका थिए ।

त्यसैगरी कार्यालयमा राखिएको डिएपीको नाम भएको बोर्डमा पनि उनले सुवेदी हाजिर भएदेखिको मिति राखेर नाम लेखेका थिए । नेमप्लेट, वालपेन्ट र बोर्डमा नाम लेखेबापत पञ्जियारले ६ सय रुपैयाँको बिल बनाएर इलाका प्रहरी कार्यालय इटहरीको लेखाशाखामा दिएका थिए ।

तर, लेखाशाखामा कार्यरत प्रहरी नायब निरीक्षक रामचन्ऽ पोखरेलले बिल हेर्नसाथ ‘यति जाबो लेखेको पनि ६ सय’ भन्दै पैसा नदिने बताए । पञ्जियारलाई पनि कार्यालयबाट बाहिर जान आदेश दिए ।

पञ्जियारले मिहिनेतको पैसा दिन आग्रह गरे । पञयिारले भने, ‘पोखरेलले तैँले लेखेको सबै मेट भने धम्क्याए । मेटेको पनि पैसा लाग्छ सर, भन्दा पोखरेलसहित तीनजना प्रहरीले कार्यालयभित्र अनुहार, टाउको र ढाडमा मुक्का र लात्ती बर्साए ।’

माओवादी केन्द्रका नेता एवं वर्तमान सरकारका उर्जामन्त्री जनार्दन शर्मा प्रभाकरको स्वामित्व रहेको भनिएको जनमैत्री अस्पतालमा पूर्व जनमुक्ति सेना नेपाल, जनमैत्री सरोकार संघर्ष समितिले तालाबन्दी गरेको छ ।