सडक दुर्घटना न्यूनीकरण गर्न खोटाङमा बेलुका ७ बजेपछि यात्रुबाहक गाडी चलाउन रोक लगाइएको छ ।
निरन्तरको वर्षाका कारण जिल्लाका सडकको अवस्था खराब बनेका कारण बेलुका ७ बजेपछि यात्रुबाहक बस तथा जिप चलाउन रोक लगाइएको हो ।
यातायात व्यवसायीकै उपस्थितिमा जिल्ला प्रशासन कार्यालयमा बसेको सर्वदलीय बैठकले सडक यातायातलाई सुरक्षित र यात्रुमैत्री बनाउन भन्दै रातका समयमा गाडी नचलाउने निर्णय गरिएको प्रमुख जिल्ला अधिकारी चन्द्रबहादुर कार्कीले बताए । सडक यातायातलाई सुरक्षित बनाउन ‘टाइमकार्ड’को समेत व्यवस्था गर्ने निर्णय गरिएको प्रशासनले जनाएको छ ।
यस्तै, दसैँ र तिहारलाई लक्षित गर्दै खोटाङका प्रमुख सडकलाई मर्मत गरेर सञ्चालनमा ल्याउने तयारी गरिएको छ । वर्षाका कारण अवरुद्ध सडकमध्ये दिक्तेल–हलेसी सडकलाई मर्मत गरेर सञ्चालनमा ल्याउने निर्णय गरिएको हो ।
सडक कालोपत्रेको प्रारम्भिक चरणको काम गरिरहेकै ठेकेदार कम्पनीलाई बिग्रेका सडकखण्ड मर्मत गर्ने जिम्मा दिइएको प्रजिअ कार्कीले जानकारी दिनुभयो । अहिले जिल्लाका सबैजसो सडक वर्षाका कारण अवरुद्ध छन् ।
नयाँ भवन निर्माणका लागि घडेरी सम्याउने क्रममा पहिरो झरेपछि जिल्ला अस्पताल खोटाङको प्रशासन भवन भत्किएको छ ।
भवन निर्माणका लागि घडेरी सम्याउने क्रममा भित्ताबाट सुरु भएको पहिरोले तानेपछि अस्पतालको प्रशासन सञ्चालन हुँदै आएको चारकोठे भवन भत्किएको हो ।
स्काभेटर प्रयोग गरेर घडेरी सम्याउने क्रममा पानी उब्जिएर भित्ता झर्न थालेपछि अस्पतालको थप दुईवटा शौचालय र शव परीक्षणगृहसमेत जोखिममा परेको छ ।
स्काभेटर प्रयोग गरेर घडेरी सम्याउने क्रममा पानी उब्जिएर भित्ता झर्न थालेपछि अस्पतालको थप दुईवटा शौचालय र शव परीक्षणगृहसमेत जोखिममा परेको छ ।
दुई वर्षभित्र निर्माण सम्पन्न गरेर अस्पताललाई बुझाउने गरी खानी निर्माण सेवा प्रालिले भवन निर्माणको काम थालेको थियो ।
ठेकेदार कम्पनीको लापरबाहीका कारण अस्पतालको प्रशासन भवन भत्किएको अनुमान गरिएको छ । अस्पतालमा सहरी विकास भवन डिभिजन कार्यालय उदयपुरको दुई करोड ३६ लाखको लागतमा कार्यालय प्रयोजनका लागि अढाइ तले भवन बनाउन लागिएको हो ।
ठेकेदार कम्पनीको लापरबाहीका कारण अस्पतालको प्रशासन भवन भत्किएको अनुमान गरिएको छ । अस्पतालमा सहरी विकास भवन डिभिजन कार्यालय उदयपुरको दुई करोड ३६ लाखको लागतमा कार्यालय प्रयोजनका लागि अढाइ तले भवन बनाउन लागिएको हो ।
