लिभरपुललाई हराउँदै लेस्टर सिटी इएफएल कप फुटबलको चौथो चरणमा प्रवेश गरेको छ ।

घरेलु मैदानमा भएको खेलमा लेस्टर सिटीले लिभरपुललाई २–० ले हराएको हो । 

पहिलो हाफमा गोलरहित बराबरी भएको खेलमा लेस्टर सिटीले दोस्रो हाफमा दुई गोल गर्‍यो । ६५ औं मिनेटमा शिन्जी ओकाजाकीले गोल गर्दै लेस्टरलाई अग्रता दिलाए । 

७८ औं मिनेटमा सलाम स्लीमानीले गोल गरेपछि लेस्टर २–० ले विजयी भयो । राति नै भएको खेलमा बार्नस्लीलाई १–० ले हराउँदै टोटनह्याम पनि चौथो चरणमा प्रवेश गरेको छ । टोटनह्यामको जितमा ६५ औं मिनेटमा डेल अलीले गरेको गोल निर्णायक बन्यो ।

२०७४ असोज ४ मा प्रकाशित  ।

स्पेनिस ला लिगा फुटबल अन्तर्गतआइतबार राति भएको खेलमा रियल मड्रिड विजयी भएको छ । 

अवे मैदानमा भएको खेलमा साबिक विजेता रियल मड्रिडले रियल सोसिडाडलाई ३–१ ले हराएको हो । 

रियलको जितमा बोर्जा मायोरल र ग्यारेथ बेलले गोल गरे । यस्तै रियल सोसिडाडका केविन रोड्रिग्वेजले एउटा आत्मघाती गोल गरे । 

रियल सोसिडाडका लागि रोड्रिग्वेजले नै गोल गरे । १९ औं मिनेटमा मायोरलको गोलबाट रियल मड्रिडले अग्रता लियो । 

२८ औं मिनेटमा रोड्रिग्वेजले रियल सोसिडाडका लागि बराबरी गोल फर्काए । तर ३६ औं मिनेटमा उनैले आत्मघाती गोल गर्दै रियल मड्रिडलाई अग्रता दिलाए । पहिलो हाफमा २–१ ले अघि रहेको रियल मड्रिडका लागि ६१ औं मिनेटमा बेलले गोल गर्दै ३–१ को जित दिलाए ।

यो खेलमा रियल मड्रिड रोनाल्डो बिना खेलेको थियो । रियल मड्रिडको जितसँगै रियल सोसिडाडको लगातार तीन खेलको विजयी यात्रा टुंगिएको छ । 

चार खेलबाट ८ अंक जोडेको रियल मड्रिड चौथो स्थानमा उक्लिएको छ । ९ अंकसहित रियल सोसिडाड तेस्रो स्थानमा छ । राति नै भएको खेलमा गिरोनालाई १–० ले हराएको सेभिल्ला चार खेलबाट १० अंकसहित दोस्रो स्थानमा छ । 

राति नै भएका खेलमा भिल्लारियलले एलाभेसलाई ३–० तथ लास पालमसले एथ्लेटिको बिल्बाओलाई १–० ले हराएका छन् ।

२०७४ असोज २ मा प्रकाशित ।

चाँगुनारायण नगरपालिका–८ सुडालमा पहिलो पटक काठमाडौँ उपत्यकाव्यापी एवं काभ्रे व्यापी कराँते तथा किक बक्सिङ प्रतियोगिता शनिबारदेखि हुने भएको छ । 

‘संवाहक डट कम’ले आयोजना गर्ने प्रतियोगिता यही भदौ ३१ गते हुनेछ । बीसदेखि ६० केजीमाथि तौल समूहका पुरुष तथा २० केजीदेखि ५५ केजी तौलसम्मका महिला गरी १९ खेल हुने कार्यक्रमका संयोजक सञ्जीव दुलालले जानकारी दिए । 

किक बक्सिङमा पुरुष र महिलातर्फ ४५, ५० र ५५ केजी तौल समूहमा तथा काटातर्फ एक महिला एक पुरुषको इभेन्ट खेल खेलाइने छ । प्रतियोगिता डब्लु के एफको नियमनुसार खेलाइने रेफ्री संंयोजक रामशरण त्वतीले जानकारी दिए ।

२०७४ भदौ २७ मा प्रकाशित ।

इंग्लिस प्रिमियर लिग फुटबल अन्तर्गत शनिबार राति भएको खेलमा म्यानचेस्टर युनाइटेडले आफ्नो विजयी यात्रा जोगाउन सकेन । 

म्यानचेस्टर युनाइटेड स्टोक सिटीसँग २–२ को बराबरीमा रोकियो । युनाइटेडका लागि मार्कस रासफोर्ड र रामेलु लुकाकुले गोल गरे । स्टोक सिटीका लागि दुवै गोल चोउपो मोटिङले गरे । 

४३ औं मिनेटमा मोटिङको गोलबाट स्टोक सिटीले अग्रता लियो । तर पहिलो हाफको इन्जुरी समयमा रासफोर्डले युनाइटेडका लागि बराबरी गोल फर्काए । 

५७ औं मिनेटमा लुकाकुले गोल गरेपछि युनाइटेडले अग्रता लियो तर ६३ औं मिनेटमा मोटिङले व्यक्तिगत दोस्रो गोल गर्दै खेल २–२ को बराबरीमा ल्याए । यसअिघका तीन खेल जितेको युनाइटेड यो खेलमा बराबरीमा रोकिएपछि उसको विजयी यात्रा टुंगियो । 

शनिबार रातिको खेलपछि चार खेलबाट १० अंक जोडेको म्यानचेस्टर युनाइटेड शीर्ष स्थानमा कायम छ भने १० अंक नै जोडेको म्यानचेस्टर सिटी दोस्रो उक्लिएको छ । सिटीले लिभरपुललाई ५–० ले हराएको हो । ९ अंकसहित चेल्सी तेस्रो स्थानमा छ ।

२०७४ भदौ २५ मा प्रकाशित ।

रुसमा आउँदो वर्ष हुने विश्वकप फुटबलको छनौट अन्तर्गत मंगलबार राति भएको खेलमा वेल्स, सर्बिया, फिनल्याण्ड र आइसल्याण्डले जीत निकालेका छन्। 

युरोपियन क्षेत्रको छनौट अन्तर्गत समूह ‘डी’ को खेलमा माल्डोभालाई २–० ले हराउँदै वेल्स दोस्रो स्थानमा उक्लिएको छ । अवे मैदानमा भएको खेलमा वेल्सलाई जिताउन हाला रोब्सन–कानु र आरोन रामसीले गोल गरे । 

अन्तिमको १० मिनेटमा वेल्सले विजयी गोल गरेको हो । ७९ औं मिनेटसम्म गोल रहित बराबरी भएको खेलमा ८० औं मिनेटमा रोब्सन–कानुले गोल गर्दै वेल्सलाई अग्रता दिलाए । इन्जुरी समयमा रामसीले गोल गरेपछि वेल्स २–० ले विजयी भयो । 

यो जितले वेल्सको विश्वकपमा छनौट हुने सम्भावना कायम राखेको छ । राति नै भएको खेलमा रिपब्लिक अफ आयरल्याण्डलाई १–० ले हराएको सर्बिया समूहको शीर्ष स्थानमा छ । 

सर्बियाको १८ तथा वेल्सको १४ अंक भएको छ । अर्को खेलमा अस्ट्रिया र जर्जियाले १–१ को बराबरी खेलेका छन् । समूह ‘आई’ अन्तर्गको खेलमा टर्कीले क्रोएसिया तथा फिनल्याण्डले कोसोभोलाई समान १–० तथा आइसल्याण्डले युक्रेनलाई २–० ले हरायो ।

२०७४ भदौ २१ मा प्रकाशित ।

शीर्ष बरियताका स्पेनिस खेलाडी राफायल नाडालले युएस ओपन टेनिसको चौथो चरणमा पुगेका छन् । 

आइतबाार विहान भएको खेलमा अर्जेण्टिनाका लियोनार्दो मायरलाई ३/१ को सेटमा हराउँदै नाडाल चौथो चरणमा पुगेका हुन् । पहिलो सेट ६/७ ले हारेपनि त्यसपछिका ३ सेट क्रमश ६/१, ६/१ र ६/४ को सेटमा जित्दै नाडालले उपाधि यात्रा कायमै राखेका हुन् । 

यस्तै छैटौं बरियताका डोमिनिक थिम पनि प्रतियोगिताको चौथो चरणमा पुगेका छन् । अष्ट्रियाका थिमले फ्रान्सेली एड्रिन मानारिनोलाई ३ शुन्यको सोझो सेटमा हराएका हुन् । उनले चौथो चरणमा जुआन मार्टिन डेल पोत्रोसंग खेल्नेछन् । अर्जेण्टिनाका डेल पोत्रो स्पेनका रोबर्टो बाटिस्टालाई हराउँदै युएस ओपन टेनिसको चौथो चरण पुगेका हुन् । 

यस्तै महिलातर्फ विश्व नम्बर १ कारोलिना प्लिसकोभा युएस ओपनको तेश्रो चरण प्रवेश गरेकी छन् । पाखुराको चोटका बाबजुत उनले चीनिया सावी झ्याङलाई २/१ को सेटमा हराएकी हुन् । 

२०९४ भदौ १८ मा प्रकाशित ।

जेनोआलाई ४–२ ले हराउदै इटालियन सिरी ए फुटबलमा च्याम्पियन युभेन्टसले लगातार दोस्रो जित दर्ता गरेको छ । 

लिग अन्तर्गत शनिबार राति भएको खेलमा युभेन्टसको जितमा पाउलो डिबालाले ह्याट्रिक गरे । यस्तै वान कोड्राडोल एक गोल गरे । 

जेनोआका लागि एन्ड्रयु गालाबिनोवले पेनाल्टी मार्फत गोल गरे । यस्तै युभेन्टसका मिरालेम विजानिकले आत्मघाती गोल गरे । 

अर्जेन्टिनी डिबालाले १३ औं मिनेट तथा पहिलो र दोस्रो हाफको इन्जुरी समयमा गोल गर्दै ह्याट्रिक पूरा गरेका हुन् । डिबालाले इटालियन सिरी ए मा गरेको यो पहिलो ह्याट्रिक हो । डिबालाले सिरी ए मा अहिलेसम्म ५० गोल गरेका छन् । 

डिबालालाई स्पेनिस क्लब बार्सिलोनाले अनुबन्ध गर्न चाहेको खबर पनि आउने गरेको छ । लगातार सातौं उपाधिको होडमा रहेको युभेन्टसको जितपछि दुई खेलबाट ६ अंक भएको छ । शनिबार राति नै भएको खेलमा इन्टर मिलानले रोमालाई ३–१ ले हराएको छ । यस्तै बोलोग्नाले बेनोभेन्टोलाई १–० ले पराजित गर्‍यो ।

२०७४ भदौ ११ मा प्रकाशित ।

क्लबको स्थिरताका लागि यस्तो निर्णय गरिएको भएपनि नेइमारले छोडेको उनको भनाई छ । नेइमारले महिनौंसम्म चलेका विभिन्न हल्लाहरुमा केही प्रतिक्रिया दिएका थिएनन् । तर उनी अन्ततः पिएसजी गए । नेइमार क्लबमा रहने विषयमा शंका लागेका बेलमा पनि उनी क्लबका लागि जस्तो अवस्थामा पनि राम्रो रहन सक्ने भएकाले आफूहरु शान्त बसेको बार्टोमुको भनाई छ ।