कुमारीका हातबाट टीका थाप्नेको घुइचो
भक्तपुर २५ असोज ।
विजयादशमीको अवसरमा भक्तपुरको तलेजुमा जीवित देवीको रुपमा पुजिँदै आएकी कुमारीका हातबाट मंगलबार टीका ग्रहण गर्नेहरूको घुइँचो लागेको छ ।
कुमारी जिविका बज्राचार्यका हातबाट तलेजुका मूल नाइके नरेन्द्रप्रसाद जोशी, पुजारी, जोशीहरु, कर्माचार्यहरु, गुरु तथा पुरोहितले साइतको टीका लगाएका छन् ।
कुमारीको हातबाट मूल नाइकेलगायतले टीका लगाएपछि सर्वसाधारणले उनका हातबाट टीका लगाउने परम्परा रहेको तलेजुका मूल नाइके जोशीले बताए ।
सत्रौं शताब्दीमा मल्ल राजा जयप्रकाश मल्लले तलेजु भवानीसँग त्रिपाशा खेल्ने गरेको किम्बदन्ती रहेको छ ।
किंवदन्तीअनुसार राजा जयप्रकाशले कुदृष्टिले हेरेपछि तलेजु भवानी त्यहाँबाट हराएकी थिइन् ।
राजाले क्षमा माग्दै धेरै रोइकराइ गरेपछि तलेजुले वर्षको एक पटक मात्र आउँछु भन्ने वचन दिएकीले हरेक वर्ष महानवमीका दिन तलेजु भवानी आफ्नो मन्दिरमा प्रकट हुने र विजयादशमीको दिन टीका लगाइदिने गरेको विश्वासका साथ मानिसहरुको घुइँचो यहाँ लाग्ने गर्दछ ।
प्रतिकृया दिनुहोस्
Loading...
