सत्तारुढ दलले नै गर्यो संशोधन विधेयकको बिरोध, प्रचण्ड तनाबमा
- काठमाडौं, २० मंसिर ।
सत्तारुढ राष्ट्रिय प्रजातन्त्र पार्टीले संसदमा दर्ता भएको संविधान संशोधन विधेयकलाई समर्थन नगर्ने निर्णय गरेको छ ।
राप्रपाको सोमबार बसेको केन्द्रीय कार्य सम्पादन समितिको बैठकले सत्तारुढ दल भएता पनि विधेयक तयार गर्दा आफ्नो दलसँग परामर्श नभएको तथा निर्णय प्रक्रियामा पार्टीलाई सहभागी नगराएको भन्दै आपत्ति जनाएको छ । तर, चुनावका लागि मधेस केन्दि्रत राजनीतिक दलहरुको जायज माग सम्बोधन गर्नु पर्नेमा जोड दिएको छ ।
राप्रपाले संशोधन विधेयकलाई संसदमा प्रस्तुत नै गर्न नदिने एमालेसहित विपक्षी दलहरुको कदमलाई अनुचित भनेको छ । भने विधेयकलाई यथास्थितिमा राख्न र संसदमा रहेका दलहरुबीच नयाँ सहमति खोज्न प्रस्ताव समेत गरेको छ ।
सरकारले अघि सारेको संशोधन विधेयकमा मधेस केन्द्रीत दलहरु नै असन्तुष्ट रहेको, प्रदेश नम्बर ५ का जता आन्दोलनमा उत्रिएको र केही दलले संसद अवरुद्ध गरेको भन्दै राप्रपाले भनेको छ, ‘विधेयकका केही दफाहरु राष्ट्रिय हित अनुकुल नरहेको तथ्य र यथार्थलाई दृष्टिगत गर्दै विधेयकलाई हाल यथास्थितिमा राखि संसदमा रहेका सवै दल तथा सम्बद्ध पक्षहरुबीचमा नयाँ सहमतिको वातावरण कायम गरेर मात्र विधेयकलाई अघि बढाउन राप्रपा सरकारसँग अनुरोध गर्दछ ।’
प्रतिकृया दिनुहोस्
Loading...
