पतिलाई नलिईकन बजार जाँदा महिलाले के परिणाम भोग्नुपर्ला ? अफगानिस्तानमा एक्लै बजार गएको आरोपमा एक जना महिलाको टाउको छिनालिएको छ । 

अफगानिस्तानमा आफ्नो लोग्ने बिना एक्लै घरबाहिर निस्कनुलाई अपराध मानिन्छ र त्यसो गर्ने महिलालाई गम्भीर सजाय दिने गरिन्छ ।

र, अहिले सोही आरोपमा एक महिलाको शीर छेदन गरिएको छ । अफगानिस्तनको सर ए पुल प्रान्तस्थित लट्टी बजार नजिकको एक गाउँकी महिलाको हतियारधारी समूहले टाउको छिनालिदिएका हुन् ।

तालिवानको आधिपत्य रहेको उक्त ठाउँकी ३० वर्षीया ती महिला लोग्नेबिना बजार गएकी थिइन् । ती महिलाका पति इरानमा बस्दै आएका छन् र उनीहरुका सन्तान पनि छैनन् ।

सोही कारण उनी बाध्यताबस एक्लै बजार गएकी थिइन् । तर तालिवानी शासनका अनुसार त्यहाँ महिलाहरु आफ्नो लोग्ने तथा परिवारका अन्य पुरुष सदस्यबिना घर बाहिर निस्किन पाउँदैनन् ।