बिजुलीको खम्बामा विज्ञापन टाँस्ने दुई जना पक्राउ
- काठमाडौं,२१ माघ ।
बिजुलीको खम्बामा विज्ञापन टाँस्ने दुई इन्स्टिच्युटका सञ्चालकलाई काठमाडौं महानगरपालिकाले बिहीबार पक्राउ गरेको छ ।
महानगरपालिकाका राजस्व महाशाखा प्रमुख धु्रव काफ्लेका अनुसार नगर प्रहरीको टोलीले माइतीघर, सर्वोच्च अदालत अगाडि हुँदै पुतली सडक क्षेत्रसम्मका बिजुलीका खम्बामा विज्ञापन टाँस्ने दुई इन्स्टिच्युटका सञ्चालकलाई पक्राउ गरेको हो ।
पक्राउ पर्नेमा नयाँ बानेश्वरस्थित कोरियाली भाषा पाठशालाका सञ्चालक दीपक राउत र डिफेन्स क्यारियर एकेडेमीका सञ्चालक प्रमोद ढुङ्गाना छन् । सादा पोसाकमा खटिएका महानगरीय प्रहरीले उनीहरुलाई पक्राउ गरेको थियो ।
दुवै कम्पनीलाई टाँसिएको विज्ञापन निकाल्न लगाई १५ हजार रुपैयाँ जरिवाना गराउने तयारी महानगरपालिकाले गरेको छ ।
महानगरपालिकाका राजस्व महाशाखा प्रमुख धु्रव काफ्लेले भने ‘राजस्व नतिरी गैरकानुनी रुपमा विज्ञापन गर्ने र सहरको सुन्दरतासमेत बिगार्ने गरी गरिएका विज्ञापनदातालाई अब फोहरमैला व्यवस्थापन ऐन, २०६८ को प्रावधानअनुसार कारबाहीको दायरामा ल्याउने काम सुरु भएको छ ।’
२०७२ मा सर्वोच्च अदालतले पनि सार्वजनिक स्थानमा सुन्दरता बिगार्ने गरी विज्ञापन टाँस्न नदिन आदेश गरिसकेकाले आदेश विपरीतको काम कुनै पनि हालतमा गर्न नदिने अठोट कामपाले गरेको छ । –
प्रतिकृया दिनुहोस्
Loading...
