सार्वजनिक भयो उदयपुर गोल्डकप फुटबलको खेल तालिका
- उदयपुर,२२ माघ ।
चौथो उदयपुर गोल्डकप फुटबलको खेल तालिका सार्वजनिक भएको छ । आयोजक समितिले शनिबार थारुहट उदयपुर रंगशालामा गाईघाटमा पत्रकार सम्मेलन गरी खेल तालिका सार्वजनिक गरेको हो ।
माघ २७ देखि हुने उदयपुर गोल्डकपको चौथो संस्करणमा आठ टिम सहभागी हुने मुल आयोजक समितिका संयोजक किरण राईले जानकारी दिए ।
संकटा क्लब काठमाडौ, धरान फुटबल क्लब सुनसरी, सशस्त्र प्रहरीको एपिएफ क्लब, मोरङ ११, हिमालयन शेर्पा क्लब, झापा फुटबल क्लब, रुपन्देही ११ र घरेलु टिम उदयपुर ११ ले प्रतिस्पर्धा गर्ने छन् ।
फागुन पाँच गते सकिने प्रतियोगिताको विजेताले नगद २ लाख रुपैयाँ, शिल्ड र प्रमाणपत्र तथा उपविजेताले एकलाख, शिल्ड र प्रमाणपत्र प्राप्त गर्ने छन् ।
२०६८ सालमा सुरु भएको उदयपुर गोल्डकप यस बर्ष आफ्नै थारुहट उदयपुर रंगशालामा हुने छ । रंगशालामा ४ वटा आधुनिक प्याराफिट निर्माण गरिएको छ ।
जिल्ला विकास समिति उदयपुर, त्रियुगा नगरपालिकाको सहयोग तथा जिल्ला फुटबल संघ संघ उदयपुरको आयोजनामा प्रतियोगिता हुन लागेको हो ।
जिल्ला विकास समिति उदयपुर, त्रियुगा नगरपालिकाको सहयोग तथा जिल्ला फुटबल संघ संघ उदयपुरको आयोजनामा प्रतियोगिता हुन लागेको हो ।
प्रतिकृया दिनुहोस्
Loading...
