माओवादी र काँग्रेसको गठबन्धनबाट उम्मेदवार बनेकी रेणु दाहालले एमालेका उम्मेदवार देवी ज्ञवालीलाई टक्कर दिइरहेकी छिन् । अनपेक्षित रुपमा रेणुले धेरै मत प्राप्त गरेपछि एमालेका स्थानीय नेताहरु समेत आश्चर्यचकित बनेका छन् ।

स्थानीय विवाद रहेका कारण रेणुले कम मत ल्याउने अनुमान गरिएको थियो । उपमेयरमा समेत काँग्रेसकी पार्वती शाहले एमालेलाई टक्कर दिइरहेकी छिन् । उपमेयरमा टक्कर भए पनि मेयरमा भने विजयी हुने एमाले नेताहरुको विश्वास छ ।

मतगणनामा ढिलाई भएपछि निर्वाचन कार्यालयले दुई स्थानमा मतगणना सुरु गरेको छ ।