क-कसले मारे बाजी, पोखरा महानगरका १२, १३ र १५ मा यस्तो छ अन्तिम नतिजा
- पोखरा ।
पोखरा लेखनाथ महानगरपालिकाका वडा नं १२, १३ र १५ को अन्तिम मत परिणाम सार्वजनिक भएको छ ।महानगरपालिका वडा नं १२ का अध्यक्षमा नेपाली कांग्रेसका कार्की एक हजार ४६ मतसहित विजयी बने । उनका निकटतम प्रतिद्वन्दी नेकपा एमालेका ऋषिराम लामिछानेले आठ सय २९ मत प्राप्त गरे ।
वडाका महिला सदस्यमा कांग्रेसकी सीतादेवी बास्तोला, दलित महिला सदस्यमा एमालेकी विष्णु विश्वकर्मा तथा खुला सदस्यद्वयमा एमालेका निर्मलबहादुर थापा र देशभक्त केसी निर्वाचित भए ।
महानगर १३ नं वडामा एमालेको समूह विजयी भएको छ । वडाध्यक्षमा एमालेका लेखबहादुर तामाङ दुई हजार ६०६ मतसहित विजयी बने भने उनका निकटतम प्रतिद्वन्द्वी कांग्रेसका बजिरमान श्रेष्ठले एक हजार छ सय आठ मत प्राप्त गरे ।
सो वडाका महिला सदस्यमा कृष्णकुमारी गुरुङ र दलित महिला सदस्यमा कमला विक तथा खुला सदस्यद्वयमा टङ्कप्रसाद भट्टराई र रहीमुल्ला मिया विजयी भए ।
महानगर वडा नं १५ मा एमाले समूहसहित विजयी भएको छ । वडाअध्यक्षमा एमालेका प्रकाश पौडेल एक हजार ९४४ मतसहित निर्वाचित बने भने उनका निकटतम प्रतिद्वन्द्वी कांग्रेसका टोपबहादुर थापाले एक हजार पाँच सय ४७ मत प्राप्त गरे ।
महिला सदस्यमा पार्वती कार्की, दलित महिला सदस्यमा मन्दिरा परियार तथा खुल्ला सदस्यद्वयमा तोरणबहादुर बानियाँ र रुकबहादुर गुरुङ विजयी बने ।
२०७४ जेठ ५ गते प्रकाशित
प्रतिकृया दिनुहोस्
Loading...
