आज सर्लाहीको मलंगवामा राष्ट्रीय जनता पार्टी नेपालको अन्तरकृया कार्यक्रममा राजपाका नेता राजेन्द्र महतोले शासकवर्ग मधेश र मधेशी प्रती सँधै पूर्वाग्रही रहेको आरोप लगाएका छन्। 

महतोले "आफ्नो स्वार्थ भएको ठाउँमा कांग्रेस, एमाले, माओवादी, राप्रपा लगायतको दलको सर्वसम्मति हुने तर मधेशी आदिवासीको अधिकारको कुरा आउँदा आपसी मतभेद भए जस्तो देखाउने" गरेको समेत आरोप लगाए।

तसर्थ अब कुनै पनि जालझेलमा नफसी राजपाले आफ्नो सम्पूर्ण शक्ती र उर्जा चुनाव बिथोल्न तीर लगाउन समेत निर्देशन दिए। 

महतोले राजपा संबिधान संसोधन, शहिद घोषण, झुटा मुद्दा फिर्ता, क्षतिपूर्ति र जनसंख्याको आधारमा स्थानीय तहको संख्या जस्ता माँग पूराभए आजै चुनावमा जान तैयार रहोको कुरा पनि प्रष्ट पारे। 

अन्तरकृयामा उठाइएका प्रश्नहरूको जवाफ दिंदै महतोले, ६ दल एकीकृत भई गठन भएको राजपाको चुनाव चिन्ह कुनै मुद्दा नै नरहेको बताए। 

राजपाले उठाएको माँग पूरा गरे हाल मतपत्रमा रहेको जोड़ा गोरू, तीर, हातमा लाठी लिएको किसान, साइकल, हाथ वा रेल मध्य कुनै एक चुनाव चिन्ह लिएर चुनावमा जान सिकने पनि महतो बताए। 

महतोले 'राजपा जनताको भवान अनुरू गठन भएको र जनताको भवना अनुरूप नै राजपाले कुनै निर्णय लिने' बताए। संचारमाध्यममा आए जस्तो राजपामा बिवाद नरहेको, अध्यक्षमण्डलमा फरक फरक बिचार आए पनि अन्तत राजपाले सहमतीमा बाहिर ल्याएको निर्णय नै अन्तिम र सबैले मान्ने पनि बताए। 

राजपा नेपाल सर्लाही जिल्ला कमिटीद्वारा मलंगवाको बाल मन्दिरमा आयोजित अन्तरकृया कार्यक्रम राजपाका नेता राजेन्द्र महतोको प्रमुख अातिथ्य तथा सर्लाही जिल्ला अध्यक्षमण्डलका संयोजक बिनय कर्णको अध्यक्षतामा सम्पन्न भएको थियो। 

उक्त कार्यक्रममा राजपाका केन्द्रीय कोषाध्यक्ष अरूण कुमार सिंह, केन्द्रीय सचिव राजाराम पासवान र उपेन्द्र महतो, केन्द्रीय सदस्यहरू बिजय यादव, किरण देवी यादव, जिल्ला अध्यक्ष मण्डलका अध्यक्ष प्रमोद साह, कौशल यादव लगायत जिल्ला कार्य समिती, गाउँ/नगर स्तरका नेता कार्यकर्ताको उपस्थिति रहेको थियो।