रुकुम जाँदै गरेको बस सल्यानमा दुर्घटना, २ को मृत्यु, २ दर्जन घाइते
- सल्यान ।
सल्यानमा बस दुर्घटना भएको छ । दाङबाट रूकुमका लागी छुटेको ना ४ ख ५७५४ नम्बरको यात्रुवाहक बस सल्यानको त्रिवेणी सल्लेखोलामा दुर्घटना भएको हो।
दाङको घोराहीबाट छुटेको बस सल्यान पुगेर दुर्घटना हुँदा २ जना यात्रुको मृत्यु भएको छ । मृत्यु भएकाको सनाखत हुन सकेको छैन । बसमा सवार २ दर्जन यात्रुहरु घाइते भएका छन् ।
घाइतेहरुको जिल्ला अस्पताल सल्यान र कान्तिपुर हस्पिटल श्रीनगरमा उपचार भइरहेको छ । गम्भीर घाइतेलाई नेपालगञ्ज र दाङ रिफर गरिएको जिल्ला प्रहरी कार्यालय सल्यानले जानकारी दिएको छ ।
तीव्र गतिका कारण बस दुर्घटना भएको घाईतेहरुले बताएका छन् ।
२०७४ असार २५ गते प्रकाशित
प्रतिकृया दिनुहोस्
Loading...
