पूर्व मन्त्री खपाङ्गीको निधन, प्रधानमन्त्री द्वारा दुख व्यक्त
काठमाडौँ १२ भदौ ।
पूर्व मन्त्री एवं जनजाति अगुवा गोरेबहादुर खपाङ्गीको निधन भएको छ । उपचारको क्रममा न्यूरो अस्पतालमा उनको निधन भएको हो ।
पिसाबमा समस्या देखिएपछि ललितपुरको नख्खु दोबाटोबाट शनिवार अस्पताल भर्ना गरिएको थियो ।
पुर्व राजा ज्ञानेन्द्र शाहको शासनकालमा २०५९ साल भदौ २२ गते ८ महिनासम्म महिला तथा बालबालिका मन्त्री बनेका खपाङ्गी नेकपा मालेबाट राजनीतिमा प्रवेश गरेका थिए ।
तर उनले माले परित्याग गरी राष्ट्रिय जनमुक्ति पार्टीका सस्थापक महासचिव हुँदै हाल लिवरल डोमेक्रयाटिक पार्टीका अध्यक्ष थिए ।
यता प्रधानमन्त्री पुष्पकमल दाहाल ‘प्रचण्ड’ले खपाङ्गीको निधनले आफू स्तब्ध भएको बताएका छन् ।
प्रचण्डले पूर्वमन्त्री एवं जनजाति अगुवा गोरबहादुर खपाङ्गीको निधनले स्तब्ध बनाएको बताउदै भन्दै खपाङ्गीप्रति श्रद्धान्जली तथा समवेदना व्यक्त गरेका छन् ।
प्रतिकृया दिनुहोस्
Loading...
