तरुण दलको महाधिवेशनको प्रचारमा मोटरसाइकल र्याली
- पोखरा, २७ कात्तिक ।
नेपाली काँग्रेसको भातृ सङ्गठन नेपाल तरुण दलको आजदेखि सुरु हुने महाधिवेशनको प्रचारप्रसार एवम् सफलताको लागि आज पोखरामा मोटरसाइकल र्याली गरिएको छ ।
पोखराको पृथ्वीचोकबाट सुरु भएको ¥यालीले नगरका विभिन्न भागको परिक्रमा गरेको थियो । महाधिवेशनको नेपाली काँग्रेसका सभापति शेरबहादुर देउवाले उद्घाटन गर्ने कार्यक्रम रहेको छ ।
पार्टी सभापतिसहित वरिष्ठ नेता आउने भएपछि बिहान ८.०० बजेदेखि नै पोखरा विमानस्थलमा पार्टीका कार्यकर्ताको भीड लागेको छ ।
महाधिवेशनमा सहभागी हुन देशभरका प्रतिनिधि हिजो साँझ नै पोखरा आइसकेको तरुण दलका केन्द्रीय सदस्य ऋषि काफ्लेले जानकारी दिए ।
महाधिवेशनमा लगभग एक हजार ४०० प्रतिनिधि सहभागी हुने र उद्घाटन सत्रमा १० हजार कार्यकर्ताको उपस्थिति रहने काफ्लेले बताए ।
प्रतिकृया दिनुहोस्
Loading...
