गुरुङ्गलाई कास्की जिल्लाको घान्द्रुक र दाङसिङ गाबिसको बिचमा पर्ने घान्द्रुकबेंसीस्थित स्याउलीबजार नजिक कारवाही गरेको हो । भ्रमणभत्ता पचाउने लोभमा अनाधिकृत रुपमा कार्यालयको गाडी दुरुपयोग गरेको आरोप माओवादीले लगाएको छ ।

कार्यालयको गाडी दुरुपयोग गरी घान्द्रुकतर्फ जाँदै गरेका उनीविरुद्ध स्थानीय जनताले माओवादीलाई उजुरी गरेपछि कास्कीको पश्चिम कमाण्ड अन्तर्गतको १० नम्बर इलाका इन्चार्ज परिबर्तनको नेतृत्वमा गएको माओवादी टोलिले गुरुङसहितको अक्याप टोलि र बा ८ च ८५५१ नम्बरको गाडी करीब एक घण्टा आफ्नो कब्जामा लिएको थियो ।

मुलुकमा समानान्तर सरकार चलाउने अभ्यास गरिरहेको माओवादीको अनुमति नलिइ अन्नपुर्ण संरक्षण क्षेत्र आयोजना (एक्याप) भ्रमणमा आउने जो कोही सरकारी कर्मचारी भएपनी कारवाही गरिने माओवादी कास्की १० नम्बर इलाका इन्चार्ज परिबर्तनले जानकारी दिए।

उनले भने, “मुलुकमा समानान्तर सत्ता चलाएको माओबादी जनसरकारको स्वीकृति नलिइ आउने पुरानो सत्ताका जो कोहीलाई कारबाही गर्छौँ । जनसरकारको स्वीकृति लिएर मात्र अन्नपुर्ण संरक्षण क्षेत्र आयोजना (एक्याप) घुम्न आउनुहोला ।"