सरकारले बैशाख ३१ गते घोषणा गरेको स्थानीय निकायको निर्वाचनमा नेपाली सेनाको परिचालन गरिने पोल खुलेको छ ।

नेकपा (माओवादी केन्द्र)का नेता वर्षमान पुनले स्थानीय तहको निर्वाचनमा नेपाली सेना परिचालन गरिने बारे पोल खोलेका छन्।

नेपाली रेडियो नेटवर्कमा बिहीबार बिहान पत्रकार ऋषि धमलासँग कुरा गर्दै नेता पुनले भने, ‘स्थानीय तहको निर्वाचनमा नेपाली सेना तेस्रो घेरामा रहेर सुरक्षा दिने बताएका हुन् । 

पहिलो घेरामा नेपाल प्रहरी हुन्छ । दोस्रो घेरामा सशस्त्र प्रहरी रहन्छ । चुनावमा सेनाको अवश्यक्ता छ ।’ उनले सेनालाई निर्वाचनमा सिधै प्रयोगको नहुने बताए पनि घुमाउरो भाषामा सेना परिचालन भएरै छाड्ने बताए ।

स्थानीय तहको निर्वाचनमा नेपाली सेना परिचालनलाई लिएर मधेस केन्द्रित दलहरूले विरोध गरिरहेका बेला प्रधानमन्त्री पुष्पकमल दाहाल निकट नेता पुनले सेना परिचालनको विषयलाई उठाएका हुन् ।