पत्रकार रवि लामिछाने भन्छन् : 'प्रचण्ड पुत्री रेणुले जिते स्टुडिअाेमै अात्महत्या गर्छु भनेकै छैन !' भिडियाेसहित)
- काठमाडौं ।
लामाे समय यसरी उक्त कुराले हल्लीखल्ली मच्चाएपछि अन्तत पत्रकार रवि लामिछानेले त्यसबारे अाफ्नाे मुख खाेलेका छन् । उनले ‘चितवनको भरतपुरमा रेणु दाहालले जिते म टेलिभिजन स्टुडियोमै आत्महत्या गर्छु’ भनेर आफूले नभनेको कुरा प्रष्ट पारेका छन् ।
लामिछानेले फेसबुक र ट्वीटरमा ‘चितवनको भरतपुरमा रेणु दाहालले जिते म टेलिभिजन स्टुडियोमै आत्महत्या गर्छु’ भन्ने स्टाटस लेखेकाे भन्दै साे कुरा सामाजिक सञ्जालमा भाइरल बनेकाे थियाे । दिनभरि साे हल्लाकाे भाइरल बनेपछि लामिछानेले साँझपख मात्र साे कुराबारे स्पष्ट पारेका छन् ।
उनले फेसबुक स्टाटस लेख्दै भनेका छन् - 'यो हल्लाको खन्डन आजको कार्यक्रममा गर्ने छु। दरिद्र मानसिकताको हद नाघेकाहरुसग डराउने मान्छेमा म पर्दिन। जनताले सहि र गलतको मुल्याकन गरिहाल्छन् नि।'
साथै उनले कसैले अाफ्नाे चरित्र हत्या गर्न यस्ताे षड्यन्त्र रचेकाे पनि बताएका छन् । कसरी आयो यो कुरा सामाजिक सञ्जालमा ? लामिछानेले सोमबार बेलुका न्युज २४ टेलिभिजनमा ‘एक्जिट पोल’ कार्यक्रम सञ्चालन गरेका थिए । कार्यक्रममा लामिछानेले आफ्ना सहायक प्रस्तोतासँग भरतपुरको सम्भावित मतपरिणाम र गठबन्धनबारे बहस गरेका थिए ।
उनले निर्वाचनमा सँधै प्रतिपक्षीलाई आरोप लगाउने सुविधा हुने बताएका थिए । तर उनको कुरा बंग्याएर मंगलबार बिहानबाटै उनले ‘आत्महत्या गर्छु’ भनेको भन्ने पोस्ट भाइरल भयो । लामिछानेको धारणा भनिएको विषयलाई लिएर माओवादी केन्द्रका समर्थकले उनीविरुद्ध तीव्र असन्तुष्टि आक्रोश पोखे । सामाजिक सञ्जालबाट उनले आलोचना र गाली पनि खाए ।
तर, पत्रकार लामिछानेले मंगलबार साँझ आफूले त्यसो नभनेको स्पष्ट पार्दै भने– ‘हावादारी कुरा हो, केही भनेकै छैन, लाइभमा त्यस्तो कसले भन्छ र ?’ उनले आफ्नो धारणाबारे टेलिभिजन कार्यक्रमबाटै स्पष्ट गर्ने समेत बताए ।
प्रतिकृया दिनुहोस्
Loading...
