मनमोहन अस्पतालले भन्यो 'विरामीको सहमतीमै मृगौला झिकिएको हो' ( बिज्ञप्तिसहित)
- काठमाडौं ।
मनमोहन मेमोरियल मेडिकल कलेजमा पत्थरीको अप्रेसन गर्न आएका नुवाकोट विदुर नगरपालिका–१२ का ३२ वर्षीय शिवप्रसाद रिमालको ज्यान जोगाउन मिर्गौला झिकिएको अस्पताल प्रशासनले जानकारी गराएको छ ।
अस्पतालका प्रशासक रामप्रसाद गजुरेलद्धारा जारि गरिएको प्रेस विज्ञप्तिमा उक्त कुरा उल्लेख गरिएको हो । हिजोका दैनिक पत्रपत्रिका,अनलाईन र सामाजिक सञ्जालमा मनमोहन अस्पतालबारे गलत भ्रम फैलाइएको भन्दै उक्त विज्ञप्ति प्रकाशित गरिएको हो ।
पत्थरीको अप्रेसन गर्न आएका बिरामी रिमालको उपचारका क्रममा अत्याधिक रत्तश्राव भएका कारण मिर्गौला निकालीको अस्पतालद्वारा जारी विज्ञप्तिमा उल्लेख छ ।
मिर्गौलाको २ सेमीको पत्थरीको शल्यक्रिया गरेर निकाल्ने क्रममा रक्तश्राव बढेको अस्पतालले जानकारी गराएको छ । उनको शल्यक्रिया गर्नुपूर्व सिटिस्यान र आईभीयू समेत गरिएको थियो ।
शल्यक्रिया गर्नुपूर्व विरामीका आफ्न्तलाई शल्यक्रिया जटिल रहेको जानकारी गराउँदा उनीहरु शल्यक्रिया गराउन तयार रहेको र उनीहरुको सल्लाहमै शल्यक्रिया गरेको अस्पतालद्वारा जारी विज्ञप्तिमा उल्लेख छ ।
शल्यक्रियाका क्रममा बिरामीको रत्तश्राव नरोकिएपछि रिमालका आफन्तलाई वरिष्ठ न्यूरो सर्जन प्रा. डा. गुणकुमार श्रेष्ठले जानकारी समेत गराएका थिए ।
जानकारी पछि परिवारको सल्लाहमै बिरामीको जिवन रक्षाका लागि मृर्गौला झिकिएको र उक्त मृगौला अस्पतालमा रहेको जानकारी गराइएको छ ।
मृगौला झिकिएपछि बिरामीका आफ्न्तले अस्पताल प्रशासनसँग राखेका माग पुरा गर्न सहमति भएको र केही सञ्चार माध्यममा आएको समाचार जस्तो कुनै अप्रिय घटना नभएको जारी विज्ञप्तिमा उल्लेख छ ।
२०७४ असार २२ गते प्रकाशित
प्रतिकृया दिनुहोस्
Loading...
