उत्तर कोरियाको राष्ट्रिय टेलिभिजनले नेता किमले बम परीक्षणका लागि निर्देशन सम्बन्धी पत्रमा हस्ताक्षर गर्दै गरेको तस्बिर पनि सार्वजनिक गरेको छ । उत्तर कोरियाको सरकारी समाचार संस्था केसिएनएले हाइड्रोजन बमको सफल परीक्षणले देशको परमाणु कार्यक्रमको अन्तिम लक्ष्य पुरा हुने देखिएको दाबी गरेको छ । 

अन्तरमहादेशीय ब्यालेस्टिक क्षेप्यास्त्रमार्फत मार हान्न सकिने अत्याधुनिक हाइड्रोजन बमको विकास गरेको उत्तर कोरियाको सरकारी संचार जनाएको छ ।

यसअघि उत्तर कोरियाले हाइड्रोजन बम परीक्षण गरेको थियो । ६ दशमलव ३ रेक्टर स्केलको भूकम्प जाने गरी उत्तर कोरियाले गरेको हाइड्रोजन बमसहितको परमाणु परीक्षणपछि जापान तथा दक्षिण कोरियाले सुरक्षा सतर्कता बढाएका छन् । 

यस्तै दक्षिण कोरिया सुरक्षा अधिकारीको बैठक बसेको छ । दक्षिण कोरियाले अबको कदमका बारेमा अमेरिकासँग परामर्श गरिरहेको छ ।