चुनावको मिति सार्ने नसार्नेबारे सर्वोच्चबाट आयो देउवालाई तनाब दिने फैसला (पत्रसहित)
![](https://4.bp.blogspot.com/-NrHwWFGCR_A/Wec9UHiWfMI/AAAAAAAAXhU/8xCk1nrOcyUcDiHQ7keGvQ8rWDisH-1EwCLcBGAs/s1600/court-750x554.jpg)
- काठमाडौं ।
प्रतिनिधिसभा र प्रदेश सभा सदस्य निर्वाचनका लागि फरकफरक मतपत्र हुनुपर्ने मागसहित सर्वोच्चमा दायर रिटप्रति सर्वोच्च अदालतले अन्तरिम आदेश जारी गर्नुनपर्ने फैसला गरेको छ ।
निर्वाचन आयोगले प्रदेश र प्रतिनिधिसभाको प्रत्यक्ष र समानुपातिकका लागि दुई मत पत्र छापेको छ । चुनाव सार्ने तयारी भइरहेको भन्दै सरकार नछोड्ने निर्णय गरेको माओवादी केन्द्रले चुनावको मितिमा असर नपर्ने गरी सर्वोच्चलाई फैसला गराउन सफल भएको छ । यता चुनाव सराउन कसरतमा लागेको नेपाली काँग्रेस भने अब तनावमा परेको छ ।
राजपाका नेता सर्वेन्द्रनाथ शुक्लको रिट निवेदनमाथि बहस मंगलबार सकिएको थियो । न्यायधीशद्वय दिपकराज जोशी र पुरुषोत्तम भण्डारीको संयुक्त इजलासले अन्तरिम आदेश दिनु नपर्ने ठहर गरेको हो । प्रदेश र प्रतिनिधिसभाका लागि प्रत्यक्ष र समानुपातिकका लागि फरक फरक मत पत्र छाप्न आदेश सर्वोच्चले दिएकाे खण्डमा चुनाव सार्नै पर्ने हुन्थ्यो ।
सर्वोच्चले अन्तरिम आदेश नदिएपछि अब मंसिर १० र २१ को निर्वाचन गर्न निर्वाचन आयोग र सरकारलाई कुनै बाधा नहुने भएको छ । सर्वोच्चले मतपत्र अलगअलग छान्नुपर्ने आशय व्यक्त गरेको छ । मतपत्र छपाई भइरहेको हुँदा त्यसबारे बोलिरहनु नपर्ने सर्वोच्चको ठहर छ ।
फैसलामा भनिएको छ, “पहिलो हुने निर्वा्चित हुने निर्वाचन प्रणालीतर्फको मतपत्र छपाइ कार्य मतपत्र’ मिति २०७४।७।१० देखि प्रारम्भ गर्ने भन्ने निर्वाचन आयोगको कार्यतालिकाबाट देखिन आई छपाइ कार्य बाँकी नै देखिँदा प्रतिनिधिसभा र प्रदेशसभाको अलग अलग ऐन रहेको अवस्थामा दुबै सभाको सदस्यको निर्वाचन एउटै मतपत्रमा गर्ने निर्णय भएकोमा प्रतिनिधिसभा र प्रदेश सभाको मतपत्र अलग्गै छाप्ने सम्बन्धमा निर्वाचन आयोगले सो विषयलाई गम्भीरतापूर्वक लिई विचार गर्ने नै हुँदा अन्तरिम आदेश जारी गरिरहनुपरेन ।”
२०७४ कार्तिक १ मा प्रकाशित ।
![](https://2.bp.blogspot.com/-2Z6zKnsNTFg/Wec8cULhFNI/AAAAAAAAXhI/Q3jj0I2RrsEBM03LxZ09Ro-P8cfABNdFACLcBGAs/s1600/supreme-court-1.jpg)
![](https://4.bp.blogspot.com/-jZW92QIVA_c/Wec8cS0MCSI/AAAAAAAAXhM/3zW7N3wsLkULWgSwAVyXNuK0R_EXlTe9QCLcBGAs/s1600/supreme-court-2.jpg)
प्रतिकृया दिनुहोस्
Loading...