महिला प्रहरीले ड्युटीमै गरिन आत्महत्या प्रयास
बाँके,४ साउन ।
दंगा नियन्त्रण प्रहरी गण व्यायामशाला, पुष्पलालचोक नेपालगन्जमा कार्यरत एक महिला प्रहरीले ड्युटीमै आत्महत्या प्रयास गरेकी छन्।
आइतबार राति सवा ९ बजे ड्युटीमै रहेका बेला प्रहरी जवान गीता केसीले आत्महत्या प्रयास गरेकी हुन्। युनिफर्ममा रहेको सिटीगार्डले ड्युटीको पोस्टमा पासो लगाएर झुन्डिएका बेला साथीले देखेर बचाएकी थिइन्।
ड्युटीमा रहेको साथीले देखेर उद्धार गरेपछि गीतालाई तत्काल भेरी अञ्चल अस्पताल, नेपालगन्ज ल्याइएको थियो। भेरीमा सामान्य उपचारपछि नर्सिङ होम नेपालगन्ज हुँदै कोहलपुर मेडिकल कलेज पुर्याइएको थियो।
मानसिक रोगका डाक्टरलाई देखाउने बताइएपछि गीतालार्इ कोहलपुर लगिएको थियो। त्यहाँ डा. मोहन बेल्बासेले गीताको उपचार गरेका थिए। डा. बेल्बासेले सबै सोधपुछ गरेर अवस्था बुझेपछि मानसिक समस्या नरहेको भन्दै रिफर गरेका छन्।
गीताको घरायसी समस्या रहेको स्रोतले बताएको छ। गीताका श्रीमान् पनि प्रहरी नै हुन्। उनी पनि नेपालगन्जमै कार्यरत रहेका छन्। श्रीमानसँग असमझदारी भइरहेपछि गीताले आत्महत्या प्रयास गरेको बुझिएको छ। नेपाल समाचार पत्र दैनिकमा समाचार छ।
प्रतिकृया दिनुहोस्
Loading...
