विश्वकप फुटबल छनोट : ईटाली र स्पेन विजयी
काठमाडौं, २१ भदौ ।
विश्वकप फुटबल छनोट चरणअन्तर्गत सोमबार राति भएका खेलमा ईटाली र स्पेन विजयी भएका छन् । समुह जी को खेलमा ईटालीले इजरेललाई ३–१ ले हरायो ।
खेलमा ईटालीलाई विजयी गराउन ग्रेजियानो पेला, एन्टोनियो कान्द्रेभा र सिरो ईमोबाईलले एक–एक गोल गरे । यही समुहको अर्को छनोट खेलमा स्पेनले लिचेस्टेनलाई ८-० ले हरायो ।
खेलमा स्पेनलाई विजयी गराउन डिएगो कोष्टा, डेभिड सिल्भा र अल्भारो मोराटाले दुई/दुई गोल गर्दा सर्जी रोबेर्टो र भिटोलोले एक–एक गोल थपे ।
जितसँगै स्पेनले विश्वकप छनोटको समुह जी मा सुरुवाती अग्रता लिएको छ । विश्वकप फुटबल छनोटअन्तर्गत समुह डी को खेलमा वेल्सले माल्दोभालाई ४–० ले हराउँदा अष्ट्रियाले जर्जियालाई २-१ ले हरायो ।
यसैगरी सर्विया र आयरल्याण्डले २-२ गोलको बराबरी खेलेका छन् । विश्वकप छनोटअन्तर्गत युरोपेली समुह आई का सबै तीन खेल बराबरीमा सकिएका छन् ।
प्रतिकृया दिनुहोस्
Loading...
